متحدہ عرب امارات کی حکومت نے حوثی باغیوں کے حملے کے بعد اقوام متحدہ سے سلامتی کونسل کے ہنگامی اجلاس بلانے کی درخواست کر دی ہے۔
یو اے ای کی حکومت نے اس حوالے سے سلامتی کونسل کے صدر ملک ناروے کو ایک خط لکھا ہے جس میں سلامتی کونسل کے صدر سے حوثی باغیوں کے یو اے ای پر دہشت گردانہ حملے پر سلامتی کونسل کے اجلاس بلانے کا کہا گیا ہے۔
حوثی باغیوں نے دو روز قبل متحدہ عرب امارات کے دارالحکومت پر حملہ کیا تھا جس کے نتیجے میں تین افراد ہلاک اور چھ افراد زخمی ہو ئے تھے۔
ہلاک ہونے والوں میں ایک پاکستانی اور دو ہندوستانی ورکرز شامل ہیں۔
متحدہ عرب امارات کے اقوام متحدہ میں مستقل مندوب نے بتایا کہ حوثی باغیوں کی جانب سے بین الاقوامی قوانین اور انسانی حقوق کی پامالی پر ہنگامی اجلاس فوری طور پر بلایا جائے۔
مستقل مندوب نے کہا حوثی باغیوں کے اس دہشت گردانہ اقدام کی مذمت کی جائے اور تمام ممالک اس کے خلاف آواز اٹھائیں۔
اس ضمن میں متحدہ عرب امارات نے سلامتی کونسل کے صدر کو لکھے گئے خط میں حوثی باغیوں کے حملے میں ہلاک ہونے والے افراد کے اہل خانہ سے تعزیت کا اظہار کیا گیا اور زخمیوں کی جلد صحت یابی کے لئے نیک تمناؤں کا اظہار کیا گیا۔
خط میں کہا گیا کہ حوثی باغیوں کا یہ اقدام غیر قانونی ہے اور اس قسم کی کاروائیوں سے خطے میں دہشت گردی اور افراتفری پھیلانے کی ناکام کوشش کی گئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News