کراچی میں دن دیہاڑے شہریوں سے لوٹ مار کے واقعات معمول بن گئے

ویب ڈیسک

26th Jan, 2022. 12:22 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں دن دیہاڑے شہریوں سے لوٹ مار کے واقعات معمول بن گئے

شہر قائد میں دن دیہاڑے شہریوں سے لوٹ مار کے واقعات معمول بن گئے۔

نیو کراچی سیکٹر 5 ای میں رکشہ سوار خواتین سے لوٹ مار کی واردات ہوئی جس کی سی سی ٹی وی فوٹیج سوشل میڈیا پر واٸرل ہوگئی۔

رکشے میں سوار خواتین کا تعقب کرتے موٹرسائيکل سوار ڈاکو بھی گھر کی دہلیز تک آپہنچے۔

2 موٹرسائيکلوں پر سوار تین 3 ڈاکوٶں نے رکشے کو گھیر کر خواتین سے لوٹ مار کی، موٹرسائيکل سوار مسلح ڈاکو خواتین سے لوٹ مار کرکے با آسانی فرار بھی ہوگئے۔

شہر میں اسٹریٹ کراٸم اور ڈکیتی کی بڑھتی وارداتیں پولیس کیلۓ درد سر بن گٸی ہیں جسے قابو پانے میں وہ مکمل ناکام دکھائی دیتے ہیں۔

یاد رہے آج ہی ڈاکوؤں نے تلاشی کے دوران کچھ نہ ملنے پر مزدور کو گولی ماردی تھی۔

نارتھ کراچی سیکٹر فائیو ایم میں ڈاکوٶں نے فائرنگ کرکے علی نامی نوجوان کو قتل کردیا گیا۔

پولیس حکام نے کہا کہ مقتول زیر تعمیر پلاٹ پر مزدوری اور چوکیداری کرتا تھا، مقتول دوپہر کا کھانا لے کر آیا تو دو ملزم بھی آگئے اور لوٹ مار کی کوشش کی۔

پولیس کا کہنا ہے کہ مقتول کی جیب سے کچھ برآمد نہیں ہوا تو ڈاکوؤں نے گولی مار دی۔

پولیس نے کہا کہ مقتول نے زیر تعمیر پلاٹ پر ہی رہائش اختیار کر رکھی تھی، آبائی تعلق راجن پور سے تھا۔