پاک ایران سرحد پر ایرانی سیکیورٹی فورسز نے 68 پاکستانی شہریوں کو گرفتار کرلیا ہے۔
تفصیلات کے مطابق بہتر روزگار کی تلاش میں ایران سے یورپ جانے والی 68 پاکستانی باشندے گرفتار کر لیے گئے ہیں۔
لیویز فورس کا کہنا ہے کہ گرفتار پاکستانی بغیر سفری دستاویزات کے سفر کررہے تھے، گرفتار قیدیوں میں پنجاب کے 51، خیبرپختونخوا کے 11 اور بلوچستان کے 06 افراد شامل ہیں۔
ایرانی سیکورٹی فورسز نے گرفتار قیدیوں کو راہداری گیٹ کے مقام پر لیویز انتظامیہ کے حوالے کردیا ہے۔
لیویز فورس کے مطابق گرفتار 04 باشندوں کو پاکستانی شناختی کارڈ نہ ہونے پر واپس ایرانی سیکیورٹی فورسز کے حوالے کیا گیا ہے۔
لیویز حکام کا کہنا ہے کہ گرفتارافراد کی محکمہ صحت کی جانب سے اسکریننگ بھی کی گئی ہے جبکہ ابتدائی تفتیش کے بعد تمام قیدیوں کو لیویز تھانہ منتقل کر دیا گیا ہے۔
واضح رہے کہ مزید تفتیش ایف آئی اے کرے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News