کراچی میں کورونا کیسز میں تشویشناک حد تک اضافہ ہوگیا ہے۔

محکمہ صحت سندھ کی جانب سے جاری کردہ اعدادوشمارکے مطابق شہرقائد میں چوبیس گھنٹوں کے دوران کورونا کیسز کی شرح 38.79 فیصد پر پہنچ گئی۔

اعدادوشمارکے مطابق گزشتہ چوبیس گھنٹوں کے دوران کراچی میں گزشتہ روز 7099 ٹیسٹ کیے گئے، 2754 افراد میں کورونا وائرس کی تصدیق ہوئی۔

حیدرآباد میں بھی کورونا مثبت کیسزکی شرح 14 فیصد تک پہنچ گئی۔

دوسری جانب لاہور میں کورونا کیسز کی شرح 12.87 ہو گئی۔

پنجاب میں گوجرانوالہ میں بھی کورونا کیسز کی شرح 15 فیصد تک پہنچ گئی۔

کورونا کا پھیلاؤ، مثبت کیسز کی شرح 9.45 فیصد ریکارڈ

ملک بھر میں کورونا کے پھیلاؤ نے پھر خطرے کی گھنٹی بجا دی۔

نیشنل کمانڈ اینڈ آپریشن سینٹر(این سی او سی) کی جانب سے جاری کردہ بیان کے مطابق گزشتہ چوبیس گھنٹوں میں ملک بھر میں 53 ہزار 253 کورونا ٹیسٹ کیے گئے اور مثبت کیسز کی شرح 9.45 فیصد رہی۔

این سی او سی کے مطابق گزشتہ 24 گھنٹوں کے دوران 5 ہزار 34 نئے کیسز رپورٹ ہوئے،

پنجاب میں 4 لاکھ 54 ہزار 372، سندھ میں 5 لاکھ 5 ہزار 930، خیبرپختونخوا میں ایک لاکھ 82 ہزار 419، بلوچستان میں 33 ہزار 729، گلگت بلتستان میں 10 ہزار 446، اسلام آباد میں ایک لاکھ 11 ہزار 855 جبکہ آزاد کشمیر میں 34 ہزار 770 کیسز رپورٹ ہوئے۔

Statistics 18 Jan 22:
Total Tests in Last 24 Hours: 53,253
Positive Cases: 5034
Positivity %: 9.45%
Deaths :10

Advertisement

Patients on Critical Care: 827

— NCOC (@OfficialNcoc) January 18, 2022