انڈر 19 کرکٹ ورلڈ کپ کے 14 واں ایڈیشن کا میلہ ویسٹ انڈیز میں سج گیا ہے۔ میگا ایونٹ میں بنگلہ دیشی ٹیم اعزاز کا دفاع کرے گی۔
ٹورنامنٹ کے افتتاحی میچ میں آسٹریلین ٹیم نے میزبان ٹیم کو تباہ کن بولنگ کے باعث 6 وکٹوں سے باآسانی شکست دے دی۔
گیانا نیشنل اسٹیڈیم میں کھیلے گئے گروپ ڈی کے اولین میچ میں ویسٹ انڈیز کی ٹیم پہلے بیٹنگ کرتے ہوئے 40.1اوورز میں 169رنز بنا کر پویلین لوٹ گئی۔ کپتان اکیم آگسٹ نے 57 رنز کی مزاحمتی اننگز کھیلی۔
آسٹریلیا کی جانب سے ٹام وائٹنی، کوپر کونولی اور نیوتھن نے نپی تلی گیند بازی کے باعث بالترتیب تین، تین وکٹیں حاصل کیں۔
جواب میں آسٹریلیا نے مطلوبہ ہدف 44.5اوورز میں 4وکٹوں کے نقصان پر حاصل کرلیا، اوپنر ٹیگ وائلی نے 86رنز کی شاندار ناقابل شکست اننگز کھیل کر ٹیم کی جیت میں کلیدی کردار ادا کیا۔
ٹیگ وائلی فاتحانہ اننگز کی بدولت میچ کے بہترین کھلاڑی قرار پائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News