پاکستان کی نامور اداکارہ حریم فاروق کی عثمان خالد بٹ کے ہمراہ ڈانس ویڈیو سوشل میڈیا پر وائرل ہو گئی۔

اداکارہ حریم فاروق نے انسٹاگرام اسٹوری پر اپنی کچھ ڈانس ویڈیو شیئر کی ہیں جس میں دیکھا جا سکتا ہے کہ اداکارہ سرمائی رنگ کی شرٹ زیب تن کی ہوئی ہیں۔

اداکارہ کے ہمراہ پاکستانی اداکار عثمان خالد بٹ کو بھی ڈانس کرتا ہوا دیکھا جا سکتا ہے۔

انسٹاگرام پر پوسٹ کی جانے والی ویڈیو کو سوشل میڈیا صارفین کی جانب سے بہت پسند کیا جا رہا ہے۔

اس سے قبل حریم فاروق نے سبز رنگ سے پسندیدگی کی وجہ بتاتے ہوئے لکھا تھا کہ زندگی میں سبز رنگ کے انتخاب سے تازگی کا احساس ہوتا ہے۔

اداکارہ حریم فاروق نے مداحوں کو مشورہ دیا تھا کہ جب اردگرد کے تمام رنگ پھیکے پڑجائیں تو سبز رنگ کا استعمال کریں۔

انہوں نے مداحوں کو مشورہ دیا کہ جب ان کے اردگرد رنگ پھیکے پڑنے لگیں تو وہ سبز رنگ کا استعمال شروع کر دیں۔

دوسری جانب حریم فاروق نے میک اپ کے بغیر اپنی چمکتی دمکتی جلد کا راز بتایا تھا۔

اداکارہ نے انسٹاگرام پر اپنی ایک تصویر شیئر کرتے ہوئے لکھا تھا کہ مجھ سے پوچھا گیا کہ آپ کی چمکتی جلد کا کیا راز ہے؟

حریم فاروق سے کیے جانے والے سوال کے جواب میں اداکارہ نے بتایا تھا کہ ڈھیر سارا پانی، صحت مند غذا، ورزش اور چہرے پر مسکراہٹ۔

واضح رہے کہ حریم فاروق کا شمار پاکستان شوبز انڈسٹری کی معروف اداکاروں میں ہوتا ہے۔