آسٹریلین اوپن کے چوتھے مرحلے میں دو مرتبہ کی گرینڈ سلم فاتح سیمونا ہالیپ کی چھٹی ہو گئی ہے ، انہیں الیز کورنٹ نے شکست دے دوچار کیا۔

آسٹریلیا کے شہر میلبورن میں گرم ترین دن کے موقع پر سیمونا ہالیپ کو الیز کورنٹ نے 4-6،6-3،4-6 سے شکست دے کر کامیابی حاصل کی۔

فرانس سے تعلق رکھنے والی الیز کورنٹ پہلی مرتبہ کسی بڑے ٹورنامنٹ کے کوارٹر فائنل میں پہنچی ہیں۔

رومانیہ سے تعلق رکھنے والی سیمونا ہالیپ 2018 میں آسٹریلین اوپن میں رنرز اپ رہ چکی ہیں۔

سیمونا ہالیپ نے اس شکست سے قبل سال 2022 میں کھیلے گئے تمام 8 میچز میں کامیابی حاصل کی تھی۔

سیمونا ہالیپ کو شکست دینے والی عالمی رینکنگ میں 61 ویں نمبر الیز کورنٹ کا مقابلہ کوارٹر فائنل میں ڈینئیلی کولنز سے ہو گا جو ٹینس کی عالمی رینکنگ میں 19 ویں نمبر پر ہیں۔

کولنز نے کوارٹر فائنل میں پہنچنے کے لئے عالمی نمر 27 بلجئیم کی ایلیسی کو شکست دی تھی۔

الیز کورنٹ نے میچ میں کامیابی کے بعد پریس کانفرنس کرتے ہوئے کہا کہ یہ ایک خواب تھا جو حقیقت میں بدل گیا ہے ، جیت کا یہ لمحہ جادو سے کم نہیں ہے۔