پولیس اہلکاروں پر دہشتگردوں کی فائرنگ، افسر شہید اور 2 اہلکار زخمی

محمود احمد خان

18th Jan, 2022. 12:52 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پولیس اہلکاروں پر دہشتگردوں کی فائرنگ، افسر شہید اور 2 اہلکار زخمی

اسلام آباد پولیس اہلکاروں پر دہشت گردوں نے فائرنگ کردی جس کے نتیجے افسر منور شہید جب کہ 2 اہلکار زخمی ہوگئے۔

اسلام آباد میں پولیس اہلکاروں پر دہشت گردوں نے فائرنگ کردی جس سے ایک پولیس افسر منور شہید ہوگئے جب کہ فائرنگ سے 2 پولیس اہلکار روز امین اور راشد زخمی ہوئے۔

ترجمان اسلام آباد پولیس کے مطابق واقعے کے بعد آئی جی اسلام آباد محمد احسن یونس سینئر افسران کے ہمراہ اسپتال پہنچ گئے اور زخمی پولیس اہلکاروں کی عیادت کی۔

آئی جی اسلام آباد پولیس احسن یونس نےاسپتال میں میڈیا سے گفتگو کرتے ہوئے کہا کہ یہ ایک دہشتگرد حملہ تھا جس کو ناکام بنایا گیا، دہشتگردوں نے جی ایٹ میں پولیس چوکی پر حملہ کیا

انہوں نے کہا کہ دہشتگردوں نے 50میٹر کے فاصلے سے فائرنگ کی، پولیس کی جانب سے فائرنگ کا موثر جواب دیا گیا، فائرنگ کی زدمیں آکر ایک پولیس اہلکار شہید جب کہ دودہشت گرد ہلاک ہوئے ہیں۔

دوسری جانب وزیر داخلہ شیخ رشید نے اسلام آباد میں پولیس اہلکاروں پرفائرنگ کے واقعے کا نوٹس لیتے ہوئے آئی جی اسلام آباد سے رپورٹ طلب کرلی۔

وزیر داخلہ نے فائرنگ سے پولیس اہلکار کی شہادت پر دکھ اور افسوس کا اظہار کرتے ہوئے کہا کہ شہید پولیس اہلکار کے خاندان سے اظہار تعزیت کرتا ہوں۔

شیخ رشید نے شہید پولیس کانسٹیبل اور زخمی اہلکاروں کوخراج تحسین پیش کرتے ہوئے کہا کہ اللہ تعالی شہید کانسٹیبل کے لواحقین کو صبر جمیل عطا فرمائے۔