بلیو ٹوتھ ملٹی پوائنٹس ایک ایسا مفید فیچر ہے جو عموما ہیڈ فونز اور ایئر بڈز میں پایا جاتا ہے۔ یہ فیچر آڈیو ایسیریز کو بیک وقت مختلف ڈیوائسز سے منسلک ہونے کی سہولت فراہم کرتا ہے۔

اس فیچر کی بدولت استعمال کنندگان کمپیوٹر اور موبائل فون پر کسی مشکل کے بنا باآسانی ایک ڈیوائس سے دوسری ڈیوائس پر منتقل ہوجاتے ہیں۔

ابتدا میں بلیو ٹوتھ ملٹی پوائنٹس فیچر کو بلیو ٹوتھ کے ورژن 4.0 کے ساتھ صرف پروفیشنل استعمال کے لیے جاری کیا گیا تھا۔ اگر آپ دو موبائل فون استعمال کرتے ہیں تو آپ ان دونوں کو اس سے مطابقت رکھنے والے ایئر بڈز یا ہیڈ سیٹ کے ساتھ منسلک کر سکتے ہیں۔

بلیو ٹوتھ ملٹی پوائنٹس کے نقائص

اس فیچر کے فوائد سے قطع نظر کچھ ایسے مسائل بھی ہیں جنہیں یہاں بیان کرنا ضروری ہے۔ بلیو ٹوتھ ملٹی پوائنٹس فیچر استعمال کنندگان کو بیک وقت دونوں ڈیوائسز پر میڈیا اسٹریمنگ کرنے کی اجازت نہیں دیتا، زیادہ تر کیسز میں اگر ایک ڈیوائس میڈیا پلیئر کے لیے مختص کی گئی ہے تو یہ دوسری ڈیوائس کو نوٹیفیکیشن کے لیے روک دیتا ہے۔

بلیو ٹوتھ ملٹی پوائنٹس فیچر یوٹیوب ویڈیوز کی اسٹریمنگ کے دوران خود کار طریقے سے ڈیوائس میں کال وصول کرنے کی ترجیحات کا تعین کرتا ہے۔ جو بسا اوقات استعمال کنندگان کے زحمت کا سبب بنتی ہے۔