واٹس ایپ نے بی ٹا پروگرام کے تحت اپنے صارفین کے لیے ایک اور مفید فیچر کا اضافہ کردیا ہے۔

واٹس ایپ میں ہونے والی تبدیلیوں پر نظر رکھنے والی ویب سائٹ وے بی ٹا انفو کے مطابق واٹس ایپ اپنے استعمال کنندگان کے لیے ’ ان ایپ سپورٹ ‘ کے نام سے ایک اور فیچر متعارف کرانے پر کام کر رہا ہے۔

اس اہم فیچر کی مدد سے اب صارفین کسی بھی مسئلے کی صورت میں چیٹ میں جا کر واٹس ایپ سپورٹ کے نمائندے سے بات کر سکیں گے۔

اس فیچر کو ابتدائی طور پر کچھ عرصے قبل بی ٹا ٹیسٹرز کے لیے جاری کیا گیا تھا تاہم کچھ وقت بعد نامعلوم وجوہات کی بنا پر اسے ہٹا دیا گیا تھا۔

تاہم اس فیچر کو دوبارہ بی ٹا اکاؤنٹ کے لیے جاری کردیا گیا ہے، لیکن فی الحال یہ ہر کسی کے لیے دست یاب نہیں اور امید ہے کہ واٹس ایپ کی آئندہ آنے والی اپ ڈیٹ میں اسے شامل کردیا جائے گا۔

یاد رہے کہ اس فیچرسے صرف وہ بی ٹا صارفین مستفید ہوسکیں گے جواینڈروئیڈ کے لیے واٹس ایپ بی ٹا 2.22.3.5 اور آئی او ایس کے لیے واٹس ایپ بی ٹا 22.2.72 استعمال کر رہے ہیں۔

یہاں یہ بات بھی قابل ذکر ہے کہ واٹس ایپ سپورٹ کے چیٹ اکاؤنٹ پر سبز رنگ کا ویریفائیڈ چیک مارک لگا ہوگا صارفین اپنی نجی معلومات صڑف ویریفائیڈ اکاؤنٹ کے ساتھ ہی شیئر کریں۔