پاکستان پیپلز پارٹی کے چیئرمین بلاول بھٹو زرداری نے کہا ہے کہ لاہور پریس کلب کے سامنے دن دیہاڑے صحافی کا قتل تشویش ناک ہے۔
چیئرمین بلاول بھٹو زرداری نے لاہور میں صحافی حسنین شاہ کے قتل کی مذمت کی ہے، بلاول بھٹو نے صحافی کے لواحقین سے افسوس کا اظہار بھی کیا۔
ان کا کہنا تھا کہ لاہور پریس کلب کے سامنے دن دیہاڑے صحافی کا قتل تشویش ناک ہے، میڈیا کے شعبے سے وابستہ افراد پہلے ہی عدم تحفظ کے احساس سے دوچار ہیں۔
پاکستان پیپلز پارٹی کے چیئرمین بلاول بھٹو زرداری نے کہا کہ پنجاب حکومت لاہور پریس کلب کے رکن حسنین شاہ کے قتل کی فی الفور انکوائری کر کے مجرموں کو کیفر کردار تک پہنچائے۔
واضح رہے کہ لاہور پریس کلب کے باہر نامعلوم افراد کی فائرنگ سے نجی ٹی وی کے رپورٹر حسنین شاہ جاں بحق ہوگئے ہیں۔
پولیس کا کہنا ہے کہ ملزمان فائرنگ کے بعد فرار ہوگئے، صحافی حسنین شاہ پریس کلب کے باہر گاڑی پارک کر رہے تھے۔
آئی جی پنجاب نے صحافی کے قتل کے واقعے کا نوٹس لے لیا اور سی سی پی او لاہور سے واقعے کی رپورٹ طلب کر لی۔
آئی جی پنجاب نے کہا کہ فائرنگ کرنے والے ملزمان کو جلد از جلد گرفتار کیا جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News