صوبائی وزیر بلدیات سید ناصر حسین شاہ کا کہنا ہے کہ نااہل حکومت کی وجہ سے 70 سال میں سب سے زیادہ مہنگائی ہوئی ہے۔
تفصیلات کے مطابق صوبائی وزیر بلدیات سید ناصر حسین شاہ نے میڈیا سے گفتگو کرتے ہوئے کہا کہ چیئرمین بلاول بھٹو زرداری پورے پاکستان میں بہتری چاہتے ہیں۔
سید ناصر حسین شاہ کا کہنا تھا کہ سندھ میں صفائی ہو، کچرے سے عوام کی جان چھوٹے اسی پر عمل پیرا ہیں، لاڑکانہ سے جمع ہونے والے کچرے کے اگلے مرحلے میں ویسٹ ٹو انرجی بجلی بنائی جائے گی۔
صوبائی وزیر بلدیات نے کہا کہ وزیر اعظم بوکھلاہٹ کا شکار ہیں، نااہل وفاقی حکومت کی وجہ سے 70 سال میں سب سے زیادہ مہنگائی ہوئی ہے۔
ناصر حسین شاہ نے کہا کہ ماضی میں 25 ہزار ارب ان کے دور میں 46 ارب روپے تک پہنچ گیا، ٹرانسپیرنسی انٹرنیشنل نے ان کی ایمانداری کا بھانڈا پھوڑ دیا ہے۔
ناصر حسین شاہ کا کہنا تھا کہ ان کے دن گنے جا چکے بلاول بھٹو کا مارچ گرتی دیوار کو آخری دھکا ثابت ہوگا، پیپلز پارٹی ہمیشہ جمہوری اور ٹیبل ٹاک کی بات کرتی ہے۔
صوبائی وزیر بلدیات نے کہا کہ پیپلز پارٹی نے مخصوص اور قلیل وقت میں بلدیاتی قانون پاس کیا، ہم نے کہا کہ بلدیاتی بل میں بہتری لائیں گے اور لائیں ہیں۔
ناصر حسین شاہ نے کہا کہ بلاول بھٹو کی ہدایات پر وزیر اعلی سندھ کے ساری انتظامیہ کو تبدیل کرنے کے احکامات دیے گئے ہیں۔
ناصر حسین شاہ کا کہنا تھا کہ مہاجر، سنڈھی، پٹھان پنجابی کی بات کرنے والوں کے بھی دن گنے جا چکے ، پیپلز پارٹی کبھی لسانیت کی سیاست نہیں کرتی ہمیں سب کا احترام ہے۔
انہوں نے مزید کہا کہ جب تک پی ڈی ایم بلاول بھٹو زرداری کے وژن کے مطابق کام کرتی رہی کامیابیاں ملیں ، ہم نے ہی وزیر اعظم کو ان کے حلقہ میں شکست دی یوسف رضا گیلانی کو بھی کامیاب کروایا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News