مسلم لیگ ن کے رہنما عطاء اللہ تارڑ نے کہا ہے کہ شہزاد اکبر قومی مجرم ہیں۔

عطاء اللہ تارڑ نے شہزاد اکبر کے استعفے پر ردِ عمل دیتے ہوئے کہا کہ شہزاد اکبر قومی مجرم ہیں، انتقامی کارروائیوں کا مداوا کون کرے گا؟

انہوں نے کہا کہ ایسٹ ریکوری یونٹ نے قوم کے اربوں روپے خرچے اور نتیجہ کچھ نہ نکلا، کیا شہزاد اکبر سے قوم کا پیسہ اور وقت ضائع کرنے کا حساب لیا جائے گا؟

مسلم لیگ ن کے رہنما عطاء اللہ تارڑ کا کہنا تھا کہ آج سے ٹھیک ایک ہفتہ قبل عطاء اللہ تارڑ نے یہ بات کی تھی۔

واضح رہے کہ وزیر اعظم عمران خان کے مشیر برائے احتساب و داخلہ امور شہزاد اکبر نے اپنے عہدے سے استعفیٰ دے دیا ہے۔

اپنی ٹوئٹ میں شہزاد اکبر نے کہا کہ انہوں نے مشیر کی حیثیت سے اپنا استعفیٰ وزیر اعظم کو پیش کردیا ہے۔

I have tendered my resignation today to PM as Advisor. I sincerely hope the process of accountability continues under leadership of PM IK as per PTI’s manifesto. I will remain associated with party n keep contributing as member of legal fraternity.

— Mirza Shahzad Akbar (@ShazadAkbar) January 24, 2022

شہزاد اکبر نے کہا کہ مجھے پوری امید ہے کہ وزیر اعظم عمران خان کی قیادت میں پی ٹی آئی کے منشور کے مطابق احتساب کا عمل جاری رہے گا۔

پی ٹی آئی کے رہنما کا کہنا تھا کہ اپنے عہدے سے استعفے کے باوجود میں اپنی جماعت کے ساتھ وابستہ رہوں گا اور قانون کے طالب علم کی حیثیت سے اپنا کردار ادا کروں گا۔

یاد رہے کہ تحریک انصاف کی حکومت آنے کے بعد سے ہی شہزاد اکبر وزیر اعظم کے مشیر برائے احتساب تھے تاہم بعد میں انہیں داخلہ امور کا مشیر بھی بنا دیا گیا تھا۔