
امیر جماعت اسلامی سراج ا لحق نے کہا ہے کہ حکومت منی بجٹ واپس لے آئی ایم ایف کی غلامی کسی صورت قبول نہیں۔
امیر جماعت اسلامی سراج الحق نے کہا ہے کہ منی بجٹ نے حکومت کا باقی وقت منی مائز کر دیا ہے، حکومت منی بجٹ واپس لے، آئی ایم ایف کی غلامی کسی صورت قبول نہیں۔
انہوں نے کہا کہ آئی ایم ایف اور حکومت کولانے والے اب پی ٹی آئی کو مزید سہارا نہیں دیں گے، وزیراعظم نے قوم کو خواب دکھائے، ساڑھے تین برسوں میں تعبیر کے لیے ایک تدبیر نہیں اپنائی۔
سراج الحق نے کہا کہ موجودہ اور سابقہ حکمران قرض کے نشے کے عادی ہیں، قوم کی طرف سے حکمران اشرافیہ کو مسترد کرنے کا وقت آ گیا۔
ان کا کہنا تھا کہ پی ٹی آئی کا سونامی ملکی اداروں کی نیلامی چاہتا ہے، کامیاب نہیں ہونے دیں گے،
امیر جماعت اسلامی نے کہا کہ حکومتوں نے 22مرتبہ آئی ایم ایف سے قرضہ لیا، کشمیر کو بھارت کے حوالے کردیا گیا۔
سراج الحق نے کہا کہ حکومت نے تسلیم کرلیا کہ امریکا کے حکم پر ملک کے فیصلہ ہوتے ہیں۔
اپنے ایک بیان میں امیر جماعت اسلامی سراج ا لحق نے کہا کہ آئی ایم ایف سے ایک ارب ڈالرکے لیے عوام کو قربانی کا بکرا بنا دیا گیا، آئی ایم ایف حکم دے تو حکومت ہوا اور روشنی پربھی ٹیکس لگا دے۔
امیر جماعت اسلامی کا کہنا تھا کہ بے رحم حکمران غریب کش منصوبے پر گامزن ہیں، قوم پر 350 ارب کابوجھ ڈال کر حکمران جھوٹی وضاحتیں پیش کررہے ہیں۔
سراج ا لحق نےکہا کہ ملکی معیشت ملک طور پر تباہ ہوگئی، تجارتی خسارہ میں پچھلے چھ ماہ میں 25ارب ڈالر اضافہ ہوا۔
انہوں نے یہ بھی کہا کہ حکومت نے ملکی تاریخ میں سب سے زیادہ قرضے لیے، بجلی اور گیس کا ٹیرف بڑھانے کی تیاریاں ہو رہی ہیں۔
امیر جماعت اسلامی سراج ا لحق کا مزید کہنا تھا کہ ملک کے وسائل پر چند خاندانوں کا قبضہ ہے، سابقہ حکمران جماعتیں بھی ملک کی تباہی کی برابر کی ذمہ دار ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News