صوبائی وزیر صنعت وتجارت میاں اسلم اقبال نے کہا ہے کہ پنجاب کی پہلی اسکلز پالیسی جلد متعارف کروائی جائے گی۔
میاں اسلم اقبال کی زیر صدارت پنجاب اسکلز ڈویلپمنٹ اتھارٹی کے آفس میں بورڈ کا چوتھا اجلاس ہوا جس میں پی ایس ڈی اے ایکٹ 2019ء کے مجوزہ ترمیمی مسودہ کی منظوری دی گئی۔
اجلاس میں بورڈ نے پی ایس ڈی اے رولز کی بھی منظوری دی اور پنجاب اسکلز ڈویلپمنٹ اتھارٹی ریگولیشنز بھی منظور ہوئیں۔
اس کے علاوہ پنجاب اسکلز ڈویلپمنٹ اتھارٹی رجسٹریشن ریگولیشنز 2021ء کی بھی منظوری دی گئی ہے۔
اجلاس میں بورڈ نے پنجاب اسکلز ڈویلپمنٹ اتھارٹی کو ترقیاتی اسکیموں پر عمل درآمد کے لئے مالیاتی اختیارات دینے کے ریگولیشنز کی بھی منظوری دی ہے۔
اجلاس کے دوران موجودہ سرکاری اداروں کی بلڈنگ لے آؤٹ پلان کی تجویز کا جائزہ لیا گیا۔
صوبائی وزیر میاں اسلم اقبال نے کہا کہ پنجاب کی پہلی اسکلز پالیسی جلد متعارف کروائی جائے گی، انڈسٹری کی ضرورت کے مطابق ہنر مند افرادی قوت تیار کی جارہی ہے۔
انہوں نے کہا کہ پی ایس ڈی اے کو ریگولیٹر کے ساتھ سہولت کار کا بھی کردار ادا کرنا ہے، ایسی پالیسیاں بنائی جائیں جن سے ہنر سے سیکھنے والے کمزور طبقات کے بچوں کو فائدہ ہو۔
میاں اسلم اقبال نے کہا کہ روایتی طریقوں سے ہٹ کر جدید تقاضوں سے ہم آہنگ کورسز بنائے جائیں اور کورسز کی تیاری میں اسٹیک ہولڈرز کی مشاورت بھی لی جائے۔
صوبائی وزیر نے پی ایس ڈی اے کے رولز کے تیاری میں ڈی جی پی ایس ڈی اے اور ان کی ٹیم کی کاوشوں کو سراہا۔
ڈی جی پی ایس ڈی اے نے اجلاس میں تکینکی اداروں کی آن لائن رجسٹریشن کے حوالے سے بریفنگ دی۔
معظم اقبال سپرا نے کہا کہ تکنیکی اداروں کی آن لائن رجسٹریشن کے لئے 1396 درخواستیں موصول ہوچکی ہیں۔
واضح رہے کہ ممبر صوبائی اسمبلی سمیرا حمد، ایڈیشنل سیکرٹری صنعت وتجارت اور بورڈ ممبران بھی اجلاس میں شریک تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News