عریبئین سی باکسنگ ٹائٹل کے فائنل میچ میں پاکستانی باکسر مظفر خان نے افغان باکسر احمد سمیر کو شکست دے دی۔

تفصیلات کے مطابق پاکستان سپورٹس کمپلیکس اسلام آباد کے لیاقت جمنازیم  میں ہونے والے باکسنگ کے سنسنی خیز مقابلے کے بعد مظفر خان نے  افغان باکسر کو پانچویں راؤنڈ میں ناک آوٹ کیا اور فتح اپنے نام کے آگے درج کی۔

 مقابلہ پاکستان پروفیشنل باکسنگ لیگ کے تحت منعقد ہوا۔

مقابلے کے انعقاد کو پاکستان میں باکسنگ کے فروغ کے حوالے سے کافی اہمیت حاصل ہے۔

 پاکستان پروفیشنل باکسنگ لیگ کے صدر سید نعمان شاہ کا کہنا تھا کہ ڈبلیو بی سی پاکستان میں موجود باکسنگ ٹیلینٹ کو سپورٹ کرتا ہے اور انکی صلاحیتوں کا معترف ہے۔

یہ مقابلوں کی شروعات ہے۔انھوں نے ارادہ ظاہر کیا ہے کہ مستقبل میں پاکستان باکسنگ سرگرمیوں کا مرکز ہوگا۔