بیوی نے نیند میں بڑبڑا کر جرم کا اعتراف کیا جس پر شوہر نے مقدمہ درج کروادیا جب کہ عدالت نے 16 ماہ کی سزا سنادی اور جج نے شوہر کے اس اقدام کی تعریف کی۔

روتھ اور اینٹونی جو 2010 میں شادی کے بندھن میں بندھے تھے، اچھی زندگی گزار رہے تھے، گھر والوں کے سامنے کچھ مسائل آئے تو روتھ نے ’’کرسٹل ہال کیئر ہوم‘‘ میں نوکری کی۔

ایک دن روتھ رات گئے اچانک نیند میں بڑبڑانے لگی، انٹونی بھی نیند سے بیدار ہوگیا، تھوڑی دیر بڑبڑانے کے بعد روتھ نے ایک ایسی بات کہی جس سے انٹونی کا دل ٹوٹ گیا کہ جس بیوی کو وہ اتنی محبت اور عزت دیتا تھا وہ چور نکلی۔

روتھ نے’’کرسٹل ہال کیئر ہوم‘‘ ایک کی معذور خاتون کا اے ٹی ایم کارڈ چرایا تھا، روتھ نے یہ سب باتیں اپنی نیند میں قبول کرلیں جس کے بعد اینٹونی نے اسے جگایا اور تمام باتوں کی تصدیق کے لیے دوبارہ استفسار کیا تو روتھ نے سارا واقعہ سنایا،  پھر کیا ہوا انٹونی نے پولیس میں بیوی کے خلاف رپورٹ درج کرادی۔

کچھ عرصہ قبل دونوں میکسیکو گئے تھے وہاں روتھ نے بہت پیسہ خرچ کیا، انٹونی کو پیسے کی اچانک بارش پر شک ہوا لیکن اس وقت روتھ نے کوئی جواب نہیں دیا پھر اچانک ایک رات وہ فرش پر پڑے پرس میں کچھ نقدی اور ایک نامعلوم اے ٹی ایم دیکھ کر حیران رہ گیا۔

اس کے بعد جیسے ہی اس نے نیند میں سچائی کا اعتراف کیا تو سب کچھ واضح ہوگیا، اینٹونی کو دُکھ ہے کہ کب اور کیسے اس کی بیوی اتنی بے رحم ہوگئی کہ اس نے وہیل چیئر پر چلنے والی ایک بے سہارا عورت کے پیسوں پر بری نظر ڈالی۔

جب روتھ نے پریسٹن کراؤن کورٹ کی عدالت میں پیشی کے بعد اپنی چوری کا اعتراف کیا تو عدالت کے جج نے انٹونی کی ہمت اور سخت کارروائی کی تعریف کی عدالت نے روتھ کو 16 ماہ کی سزا سنائی۔