فائرفلائی کمپنی نے سامان بردار ڈرون پر اپنی توجہ مرکوز کررکھی ہے۔ اب انہوں نے اپنا نیا ماڈل پیش کیا ہے جو ایک سو پونڈ وزن اٹھا کر دو گھنٹے مسلسل پرواز کرسکتا ہے۔
یہ ایک طرح کا ملٹی کاپٹر ہے اور ایسے ڈرون بھاری وزن بہت تھوڑے فاصلے تک لے جاسکتےہیں کیونکہ ان کی قوت اور توانائی والی بیٹیریاں اس کی اجازت نہیں دیتیں۔
اب کیلیفورنیا میں واقع پیرالل فلائٹ ٹیکنالوجیز کی ذیلی کمپنی فائر فلائی نے اس پر کام شروع کیا ہے جس میں ناسا کا تعاون شامل تھا۔ اس کے علاوہ امریکی محکمہ زراعت اور نیشنل سائنس فاؤنڈیشن نے بھی کام کیا ہے۔
اس میں ایک پیٹرول انجن اور ایک برقی موٹر نصب ہے اور یہ دونوں ملکر مجموعی طور پر 4 پنکھڑیوں والے بریکٹ کو تیزی سےچلاتے ہیں۔ یہ سب مل کر فوری لفٹ آف اور پرواز کی قوت فراہم کرتےہیں۔ لیکن اس کا نظام ایسا بنایا گیا ہے کہ ایک پنکھڑی بند یا فیل ہونے کی صورت میں کوئی فرق نہیں پڑتا۔ فوری طور پر سارا بوجھ تین پروپیلر پر تقسیم ہوجاتا ہے اور ڈرون ہموار انداز میں پرواز کرتا رہتا ہے۔
اس کا موجودہ ماڈل ایک مرتبہ چارج ہونے کے بعد مسلسل ایک گھنٹہ 40 منٹ تک پرواز کرتا رہتا ہے اور 100 پونڈ وزن اٹھا کر 200 کلومیٹر دوری تک لے جاسکتا ہے۔ اگر وزن کم کرکے 50 پونڈ کردیا جائے تو اس کی رفتار کا دورانیہ تین گھنٹہ 20 منٹ تک بڑھ جائے گا اور یہ مجموعی طور پر 402 کلومیٹر دور تک جاسکتا ہے۔
اس کے مقابلے میں بہتر سے بہتر برقی کواڈکاپٹر ڈرون صرف پانچ کلو وزن کے ساتھ 30 منٹ تک ہی پرواز کرسکتے ہیں۔ اپنے جی پی ایس نظام کے تحت اسے گوگل میپس سے کسی بھی مقام پر بھیجا جاسکتا ہے۔ اس کا سب سے زیادہ استعمال آفات اور ہنگامی حالت میں خوراک اور ادویہ کی فراہمی میں کیا جاسکتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News