اسپیس ایکس کے بانی ایلون مسک نے اپنی فلائٹس کو ٹریک کرنے والے ٹوئٹر اکاؤنٹ کو ڈیلیٹ کرنے کے لیے بھاری رقم کی پیش کش کردی۔

غیر ملکی خبر رساں ادارے کے مطابق ایلون مسک نے ریاست فلوریڈا سے تعلق رکھنے والے جیک سوئنی کو ٹوئٹر اکاؤنٹ ڈیلیٹ کرنے کے لیے 5 ہزار ڈالر کی پیش کش کی ہے، تاہم نے جیک نے اس آفر کو مسترد کردیا۔

ایلون مسک کی جانب سے جیک سوئنی کو یہ پیش کش کرنے کی وجہ کیا  ہے؟

کالج سے فارغ التحصیل 19 سالہ جیک سوئنی کے ٹوئٹر اکاؤنٹ کی سب سے خاص بات یہ ہے کہ یہ دنیا کے ارب پتی افراد کی پروازوں کو ٹریک کرنے کی صلاحیت رکھتا ہے۔

ایلون جیٹ کے نام سے بنائے گئے اس اکاؤنٹ کو ڈیڑھ لاکھ سے زائد افراد فالو کرتے ہیں۔ جیک نے ایلون مسک کے ہوائی سفر کو ٹریک کرنے کے ایک خصوصی بوٹ ڈیولپ کیا ہے۔

ہر بار جب بھی ایلون مسک کا جہاز لینڈ اور ٹیک آف کرتا ہے یہ ہر ٹرپ کی تفصیلات فیڈ میں ٹوئٹ کردیتا ہے۔

یہ معاملہ صرف ایلون مسک تک ہی محدود نہیں ہے بلکہ جیک ہائی پروفائل ٹیکنالوجی کمپنیز کے مالکان بشمول بل گیٹس اور جیف بیزوزکی فلائٹس ٹریک کرنے کے لیے درجن بھر فلائٹ بوٹ اکاؤنٹ ڈیولپ کر چکے ہیں۔

ایلون مسک کی جانب سے گزشتہ سال نومبر میں سوئنی کو ڈائریکٹ میسج میں اکاؤنٹ ڈیلیٹ کرنے کا کہنا تھا کہ ’ کیا آپ اسے بند کرسکتے ہیں ؟ کیوں کہ یہ سیکیورٹی رسک ہے۔‘

تاہم جیک نے منع کردیا تھا اور بالاخر ٹیسلا کے سی ای او نے اپنی پرواز کو ٹریکنگ سے روکنے اور ’کریزی افراد‘ سے بچنے سے کے لیے 5 ہزار ڈالر کی پیش کش کی۔

Took off from Hawthorne, Elon got PIA blocking program but already found the aircraft. pic.twitter.com/nOxNUxy5y5

Advertisement

— Elon Musk's Jet (@ElonJet) January 26, 2022

سوئنی نے اس پیش کش کو رد کرتے ہوئے ایلون مسک سے 50 ہزار ڈالر کا مطالبہ کردیا ہے۔ اس بارے میں ان کا کہنا ہے کہ وہ اس رقم کو اپنی تعلیم اور ٹیسلا ماڈل 3 خریدنے کے لیے صرف کریں گے۔

سی این این سے گفتگو میں ایلون مسک کا کہنا تھا کہ ’ مجھے کسی سرپھرے کے ہاتھوں مرنے کی کوئی خواہش نہیں ہے‘

 ایلون مسک کی جانب سے فلائٹ ٹریکنگ کو بلاک کرنے کے سافٹ ویئر کا استعمال بھی کیا گیا تاہم اس کے باجود جیک اسے ٹریک کرنے کا اہل ہے۔