پرویز خٹک نے کہا ہے کہ عدالتوں میں چور پر چوری ثابت نہیں ہو سکتی۔
وفاقی وزیر دفاع پرویز خٹک نے اورکزئی ورکرز کنونشن سے خطاب کرتے ہوئے کہا ہے کہ قبائلی ضلع اورکزئی میں ایم این اے و ایم پی اے ایک پیج پر آجائیں ، تحریک انصاف و عوام کو خراب نہ کریں۔
انہوں نے کہا کہ اگر بلدیاتی انتخابات میں ہار گئے تو تحریک انصاف ہار گئی ، الیکشن جیتنا ضرورت ہے، ہارنے سے آپ کی حیثیت ختم ہو جائیگی ، ہارنے اور جیتنے کے ذمہ دار متعلقہ ضلع کے ایم پی اے و ایم این اے ہونگے۔
پرویز خٹک نے کہا کہ بلدیاتی انتخابات جیتنا ضروری ہیں کیونکہ یہ تحریک انصاف کا مستقبل ہیں ، ملک میں کورونا کی وجہ سے مہنگائی آئی ، امریکہ یورپ و دیگر ممالک میں ہم سے دس گنا مہنگائی آئی ہے۔
وفاقی وزیر دفاع نے کہا کہ راشن کارڈ اور احساس پروگرام صحت انصاف کارڈ عمران خان کے کارنامے ہیں ، 80 فیصد تیل، گیس ،گھی اور دال باہر سے برآمد کیے جاتے ہیں۔
انہوں نے کہا کہ قائد اعظم کے بعد عمران خان ہم کو واحد لیڈر ملا ہے ان کو ضائع نہ کریں ، این ایف سی ایوارڈ میں پنجاب ، سندھ اور بلوچستان حصہ نہیں دے رہا ، عدالتوں میں چور پر چوری ثابت نہیں ہو سکتی۔
پرویز خٹک نے کہا کہ چوروں نے پیسوں کے ذریعے پی ٹی آئی کے خلاف پروپیگنڈا کیلئے ہر چیز کو خریدا ، پی ٹی آئی کے علاوہ باقی تمام پارٹیاں ختم ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News