وزیر اعلیٰ پنجاب سردار عثمان بزدار نے کہا ہے کہ ماضی میں عوام کو محض دھوکے اور دلاسے دیئے گئے۔
سردار عثمان بزدار سے سید علی رضا گیلانی کی ملاقات ہوئی جس میں باہمی دلچسپی کے امور اور ترقیاتی صورتحال پر تبادلہ خیال ہوا، سید علی رضا گیلانی نے وزیر اعلیٰ عثمان بزدار سے دیپالپور کو ضلع بنانے کی درخواست کی۔
وزیر اعلیٰ عثمان بزدار نے دیپالپورکو ضلع بنانے کی تجویز پر ہمدردانہ غور کا وعدہ کیا، ان کا کہنا تھا کہ ترقی کے سفر میں اب ہر شہر اور ہر گاؤں شریک ہے، ماضی میں عوام کومحض دھوکے اوردلاسے دیئے گئے۔
ان کا کہنا تھا کہ سابقہ دور میں کام کم اور باتیں زیادہ بنائی جاتی تھیں، ہم کام کرتے ہیں اور ہمارے کام بولتے ہیں، پنجاب کو حقیقی ترقی کی راہ پر گامزن کردیا ہے۔
اس موقع پر سید علی رضا گیلانی کا کہنا تھا کہ وزیراعلیٰ عثمان بزدارعوام کی خدمت کا سچا جذبہ رکھتے ہیں، وزیر اعلیٰ عثمان بزدار نے دیپالپور کو ضلع بنانے کی تجویزپر صاد کیا، دور دراز علاقوں کے عوام کے مسائل کو عثمان بزدار ہی سمجھ سکتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News