مرتضیٰ وہاب نے کہا ہے کہ پیپلز پارٹی خواتین کو با اختیار بنانے پر یقین رکھتی ہے۔

ایڈمنسٹریٹر کراچی مرتضیٰ وہاب فٹ بال گراؤنڈ کلفٹن پہنچے ، انڈر 19 گرلز کے درمیان فٹ بال میچ کے فائنل کو دیکھا اور انعامات تقسیم کیے۔

انہوں نے کہا کہ لڑکیوں کا کھیلوں کے مقابلے میں حصہ لینا صحت مند رجحان ہے ، کراچی میں ویمن ان پاورمنٹ فٹ بال کپ کا انعقاد ہوا ، یہ ایک خوشگوار جھونکا ہے ، خواتین کو ہر شعبے میں اپنی صلاحیتوں کے اظہار کا موقع ملنا چاہیے۔

مرتضیٰ وہاب نے کہا ہے کہ کراچی میں مختلف ٹورنامنٹ اور کھیلوں کے مقابلے منعقد کیے جائیں گے ، مختلف کھیلوں سے وابستہ لڑکیوں کے لئے پلیٹ فارم مہیا کیے جائیں گے ، پیپلز پارٹی خواتین کو با اختیار بنانے پر یقین رکھتی ہے۔

ایڈمنسٹریٹر کراچی نے کہا کہ شہید بے نظیر بھٹو نے پاکستان کی سربراہی کرکے خواتین کو اعتماد بخشا ، دنیا بھر میں خواتین ہر شعبے میں نمایاں کارکردگی کی حامل ہیں ، کراچی کی رونقیں بحال کردی ہیں۔

انہوں نے کہا کہ ویمن ان پاورمنٹ فٹ بال کپ کراچی یونائٹڈ سے مقابلے کے بعد جافا فٹ بال ٹیم نے جیت لیا۔

ایڈمنسٹریٹر کراچی بیرسٹر مرتضی وہاب نے فٹ بال میچ میں کھیلنے والی تمام با صلاحیت لڑکیوں کو شاباش دی اور ان کی حوصلہ افزائی کی۔