وزیراعظم بیرون ملک کمپنیاں چلاتا اور پیسے کماتا ہے، شاہدخاقان

ویب ڈیسک

11th Jan, 2022. 10:29 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم بیرون ملک کمپنیاں چلاتا اور پیسے کماتا ہے، شاہدخاقان

شاہد خاقان کا کہنا ہےکہ وزیراعظم بیرون ملک کمپنیاں چلاتا ہے اور پیسے کماتا ہے۔

مسلم لیگی رہنما اور سابق وزیراعظم شاہد خاقان عباسی نے میڈیا سے گفتگو کرتے ہوئے کہاکہ ملک میں قانون سازی عوام پر مزید بوجھ کیلئے کی جاتی ہے۔

ان کا کہنا تھا کہ مری میں 22 افراد جاں بحق ہوگئے، کوئی سڑک صاف کرنے والا نہیں تھا ،مری حادثے کی ذمےداری کس کی ہے؟

مسلم لیگی رہنما نے کہاکہ آج بھی کوئی اسٹیٹمنٹ پی ٹی آئی نے جمع نہیں کروائی ،کیمرے لگاکر عوام کو دکھائیں کون سے کرپشن ہوئی ہے، ہم بتائیں گے نیب میں کون سی کرپشن ہوئی ہے،جو ظلم ہوئے ان کا حساب دیا جائےگا۔

سابق وزیراعظم نے کہاکہ ثاقب نثارعدالتی معاملات کاجواب آج تک نہیں دے پائے،صادق امین کے لقب عدالتی فیصلوں میں بانٹے گئے۔

انہوں نے کہاکہ سینیٹ اور اسمبلی میں عوام پر مزید ٹیکس لگانے کی تجاویز ہیں ، حکومت آئی ایم ایف سے کیے دعوے بتانے سے قاصر ہے۔

شاہد خاقان نے کہاکہ ایک کمپنی اکاؤنٹ،بینک اسٹیٹمنٹ عمران خان نے نہیں دی ، 26 اکاؤنٹس میں سےصرف 4 ظاہر کیے گئے۔

مسلم لیگی رہنما نے کہاکہ چیئرمین نیب بتائیں انہوں نے الیکشن کمیشن کی رپورٹ پڑھی ، تنخواہ نہ لینے پر وزیراعظم کو نااہل کردیا گیا۔