محکمہ صحت سندھ نے اسکولوں میں بھی کورونا کے ٹیسٹ کرنے کا فیصلہ کر لیا ہے۔
تفصیلات کے مطابق محکمہ صحت سندھ کی جانب سے تمام ڈی ایچ او کو مراسلہ جاری کردیا گیا ہے۔
جارری کردہ مراسلے کے مطابق ہر ضلع کے اسکولوں سے 100 سیمپل اکھٹے کئے جائیں گے، کورونا سیمپل ڈاؤ اسپتال کی کورونا لیب میں بھجے جائیں گے۔
مراسلے میں بتایا گیا ہے کہ کورونا کے ٹیسٹ آنے کے بعد محکمہ صحت سندھ ٹاسک فورس کو بھی نتائج آگاہ کرے گا۔
واضح رہے کہ کورونا کیسز کی شرح کے پیش نظر اسکول بند یا کھلے رکھنے کا فیصلہ کورونا ٹاسک فورس کرے گی۔
یاد رہے کہ ملک بھر میں کورونا کیسز کی مثبت شرح ریکارڈ سطح پر پہنچ گئی ہے اور صورت حال خطرناک ہونے لگی ہے۔
نیشنل کمانڈ اینڈ آپریشن سینٹر(این سی او سی) کے جاری کردہ اعدادوشمار کے مطابق گزشتہ چوبیس گھنٹے کے دوران مزید 9 افراد جاں بحق جبکہ 4 ہزار 27 نئے مریض رپورٹ ہوئے۔
این سی او سی کے مطابق پاکستان میں کورونا سے اموات کی مجموعی تعداد 29 ہزار 12 ہو گئی جبکہ ایکٹیو کیسز کی تعداد 31 ہزار 551 ہے۔
ملک بھر میں 13 لاکھ 24 ہزار 147 افراد کورونا سے متاثر ہوئے، 12 لاکھ 63 ہزار 584 افراد صحت یاب ہو چکے ہیں۔
اعداد و شمار کے مطابق چار ہزار 27 نئے مریض سامنے آئے، پاکستان میں کورونا مثبت کیسز کی شرح 7.8 فیصد ریکارڈ کی گئی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News