یوں ہرے پتوں والی تمام ہی سبزیاں اپنے اندر بے پناہ افادیت رکھتی ہیں لیکن پالک ایک ایسی سبزی ہے جسے سپر فوڈ کا درجہ حاصل ہے یوں تو اس میں تمام ہی وٹامنز اور منرلز وافر مقدار میں پائے جاتے ہیں لیکن یہ بات بہت کم لوگ جانتے ہیں یہ وٹامن سی حاصل کرنے ایک بہترین ذریعہ ہے۔ یہاں اس کے چند ایسے ہی فائدے بیان کئے جارہیں ہیں جسے جان کر آپ اسے اپنی غذا میں شامل کرنا شروع کر دیں گے۔

بینائی کو بہتر بنائیں

اس میں بیٹا کیروٹین، لیوٹین سینتھین وافر مقدار میں پائے جاتے ہیں جو بینائی کو بہتر بنانے کے ساتھ کئی طرح کی انفیکشنزسے بھی تحفظ فراہم کرتے ہیں۔

دماغی صحت کی ضامن

پالک میں پوٹاشییم، فولیٹ کے ساتھ ہی کئی طرح کے اینٹی آکساڈینٹس پائے جاتے ہیں جو آپ کی دماغی صحت کو برقرار رکھنے میں مدد فراہم کرتے ہیں۔

خون جمنے میں مددگار

ہرے پتوں والی سبزیوں میں پالک ایک ایسی سبزی ہے جس میں وٹامن کے کثیر تعداد میں پایا جاتا ہے جس سے خون کو جمنے میں مدد ملتی ہے جو ہیموفیلیاں کے مریض کے لئے نہایت ضروری ہے۔

بلڈ پریشر کواعتدال میں رکھے

اس میں پوٹاشییم کافی مقدار میں پایا جاتا ہے لیکن سوڈیم کی مقداربہت کم ہوتی ہے اسی لئے یہ بلڈ پریشر کو مریض کے ایک مفید غذا ثابت ہوسکتی ہے، اور ساتھ ہی اس میں موجود منرلز خون کی روانی کو بہتر بناتے ہیں۔

کینسر سے بچائے

اس میں کئی طرح کے اینٹی آکساڈینٹس پائے جاتے ہیں جو مختلف طرح کے کینسر سے بچانے کے ساتھ مجموعی صحت کو بہتر بنانے میں معاون ثابت ہوتے ہیں۔