ملک کی حکمراں جماعت پاکستان تحریک انصاف (پی ٹی آئی) اور رکن قومی اسمبلی نور عالم خان کے درمیان اختلاف شدت اختیار کرگیا ہے۔
پارٹی کی جانب سے شوکاز نوٹس جاری کرنے کے بعد اب نور عالم خان کی پبلک اکاؤنٹس کمیٹی کی حکومتی رکنیت بھی ختم کردی گئی ہے۔
نور عالم خان کو منی بجٹ اجلاس کے دوران قومی اسمبلی کے فلور پر اپنی ہی پارٹی کے رہنماؤں کی مذمت کرنے پر شوکاز نوٹس جاری کیا گیا تھا۔
14 جنوری بروز جمعہ قومی اسمبلی کے اجلاس میں نور عالم خان نے وزیر اعظم عمران خان سمیت حکومت کے وفاقی وزراء اور اعلیٰ عہدیداران کے نام ایگزٹ کنٹرول لسٹ (ای سی ایل) میں ڈالنے کے ساتھ ساتھ خود احتسابی کے وزیر اعظم کے وژن کی عملدرآمد کا مطالبہ کیا تھا۔
جس کے بعد پیر کو “پارٹی ڈسپلن کی خلاف ورزی” پر شوکاز نوٹس جاری کیے جانے کے بعد نور عالم خان نے پی ٹی آئی خیبرپختونخوا کے صدر اور وزیر دفاع پرویز خٹک کو کھری کھری سناتے ہوئے کہا تھا کہ وہ انہیں شوکاز نوٹس بھیجنے کا اختیار نہیں رکھتے۔
معاملہ مزید بڑھا تو وفاقی حکومت نے نور عالم خان کو پبلک اکاؤنٹس کمیٹی (پی اے سی) سے بھی نکالنے کا نوٹیفکیشن جاری کردیا۔
نور عالم خان اب مرکز اور خیبرپختونخواہ میں پی ٹی آئی حکومت کے شدید ترین ناقد کے طور پر کردار ادا کر رہے ہیں، اور اپنی ہی جماعت کی قیادت کو تنقید کا نشانہ بنا رہے ہیں۔
ٹوئٹر پر جاری اپنے پیغام میں نور عالم خان نے لکھا کہ ”جو بھی احتساب کے عمل پر یقین رکھتا ہے وہ میرے اس نظریے کی حمایت کرے گا کہ اگلی تین قطاروں کے تمام نام ای سی ایل میں ڈالے جائیں، ہاں میں نے جو کہا اس پر قائم ہوں، اگر اشیاء کی قیمتوں میں اضافہ ہوگا تو میں ہمیشہ آواز اٹھاؤں گا۔ مہنگائی اور بجلی گیس کی لوڈشیڈنگ ناانصافی ہے۔”
Anybody who believes in Accountability will support my view that all the the front three rows names should be put on ECL N yes I stand what I said if there is price hike i have and will always raise my voice against price hike n injustice load shedding of electricity suigas
Advertisement— Noor Alam Khan (@NOORALAMKHAN) January 15, 2022
پی اے سی سے دستبرداری کا جواب دیتے ہوئے انہوں نے لکھا ہے کہ “پبلک اکاؤنٹس کمیٹی جہاں میں ان اہلکاروں اور کارٹیل مافیا کی بدعنوانیوں کا مقابلہ کر رہا تھا، جیسا کہ میں نے پہلے بھی کہا ان کے وفادار پہلی تین صفوں میں موجود ہیں اور ان کے نام ای سی ایل میں ڈالے جانے چاہئیں۔ سب سے پہلے پاکستان زندہ باد۔”
Public accounts committee where I was confronting the corrupt practices of those officials / cartels mafia as I told before their loyalist are infront 3 rows and their names should be n must be put on ECL. Pakistan comes first Pakistan zindabad pic.twitter.com/geYloHYvpM
— Noor Alam Khan (@NOORALAMKHAN) January 18, 2022
انہوں نے ایک اور ٹویٹ میں کہا کہ “پچھلے 3 سالوں سے میں پارلیمانی پارٹی اور پارلیمنٹ میں مسائل اٹھا رہا ہوں لیکن انہیں اس کی پرواہ نہیں ہے ، مجھے لگتا ہے کہ انہیں ان لوگوں کی پرواہ بھی نہیں جنہوں نے انہیں ووٹ دیئے تھے، وہ سمجھتے ہیں کہ ہم ان کے غلام ہیں اور اپنی آواز نہیں اٹھا سکتے ہیں۔ وہ غلطی پر ہیں پاکستان زندہ باد۔”
From last 3 years I am raising the issues in parliamentary party and in parliament but they don't care I guess they don't care about the people who voted them they think we are slaves and will not raise our voice they are mistaken Pakistan zindabad
— Noor Alam Khan (@NOORALAMKHAN) January 19, 2022
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News