کراچی میں کورونا سے ہلاکتوں نے پچھلے 2 ماہ کے ریکارڈ توڑ دیئے، جنوری کے 23 روز میں 68 افراد زندگی سے ہاتھ دھو بیٹھے۔
کراچی میں بداحتیاطی نے موت کا روپ دھارلیا، سال کے پہلے مہینے میں کورونا قیامت ڈھا گیا۔
ہلاکتوں نے پچھلے 2 ماہ کے ریکارڈ توڑ دیئے، رواں ماہ کے 23 روز میں 68 افراد وائرس کا شکار ہوکر پیاروں کو روتا چھوڑ گئے، گزشتہ سال نومبر میں 53 اور دسمبر میں 51 افراد وائرس سے جاں بحق ہوئے تھے۔
اعداد وشمارکے مطابق جنوری میں سب سے زیادہ 24 ہلاکتیں ضلع شرقی میں سامنے آئیں، ضلع جنوبی میں 18 اور ضلع وسطی میں 8 افراد انتقال کرگئے۔
ضلع غربی میں 7، ضلع کورنگی میں 5 اور ضلع ملیر میں 6 افراد زندگی کی بازی ہار گئے، شہر میں کیسز کی شرح دیگر شہروں سے مسلسل زیادہ ۔گزشتہ روز 2 ہزار 831 کیسز سامنے آئے،شرح سینتیس اعشاریہ تین دوفیصد ریکارڈ کی گئی۔
طبی ماہرین کے مطابق شہر پراومیکرون یلغار کرچکا ہے، وباکی روک تھام کیلئے فوری اقدامات کرناہوں گے، بے احتیاطی کے باعث فروری کے وسط تک صورتحال مزید خراب ہوسکتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News