وزیراعلیٰ بلوچستان میر عبدالقدوس بزنجو نے کہا ہے کہ دہشت گردی کے مکمل خاتمے کے لئے سیکیورٹی ادارے فعال اور متحرک ہیں۔
انہوں نے مشکاف ریلوے اسٹیشن کے قریب ریلوے ٹریک پر بم دھماکے کی مذمت کرتے ہوئے کہا کہ ٹرین مسافروں کو فوری طور پر ریلیف فراہم کیا جائے۔
وزیراعلیٰ بلوچستان نے مسافر ٹرین کے دھماکے کی زد میں آنے پر تشویش کا بھی اظہار کیا۔
وزیراعلیٰ میر عبدالقدوس بزنجو نے ضلعی انتظامیہ کو ہدایت دی کہ ٹرین مسافروں کو فوری طور پر ریلیف فراہم کیا جائے اور زخمی مسافروں کو علاج معالجہ کی بہترین سہولت دی جائے۔
انہوں نے کہا کہ مسافر ٹرین کو دہشت گردی کا نشانہ بنانا بزدلانہ اور انتہائی قابل مزمت فعل ہے، واقعے میں ملوث دہشت گرد عناصر کو معاف نہیں کیا جائے گا۔
میر عبدالقدوس بزنجو نے مزید کہا کہ پر امن بلوچستان کے قیام کے لئے تمام تر وسائل بروئے کار لائے جارہے ہیں۔
اس سے قبل سبی میں مشکاف ریلوے اسٹیشن کے قریب ریلوے لائن پر دھماکا ہوا۔
سبی میں کوئٹہ سے پشاور جانے والی ٹرین جعفر ایکسپریس کودہشگردی کا نشانہ بنایا گیا ، دھماکے کے باعث کوئٹہ سے پشاور جانے والی جعفر ایکسپریس کی تین بوگیاں پٹڑی سے اتر گئیں۔
واضح رہے کہ دھماکے کی اطلاع ملنے کے بعد سیکورٹی فورس اور لیویز فورس روانہ ہو گئی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News