شیخ رشید نے کہا ہے کہ پاکستانی نژاد برطانوی شہری ہمارا بہترین قیمتی اثاثہ ہیں۔
وزیر داخلہ شیخ رشید احمد سے برطانیہ کے پاکستان میں ہائی کمشنرعزت مآب ڈاکٹر کرسچن ٹرنر نے ملاقات کی جس میں پاکستان برطانیہ دو طرفہ تعلقات سمیت باہمی دلچسپی کے دیگر امور پر بات چیت کی گئی۔
ملاقات میں سزا یافتہ شہریوں کی واپسی اور مجرمان کی حوالگی سے متعلق پاک برطانیہ معاہدوں پر پیش رفت کا جائزہ لیا گیا، پاک برطانیہ دو طرفہ معاہدوں کو جلد حتمی شکل دینے اور جلد دستخط کرنے پر اتفاق ہوا۔
وزیر داخلہ اور برطانوی ہائی کمشنر نے اتفاق کیا کہ معاہدے دونوں ممالک کے مشترکہ مفاد میں ہیں ، معاہدوں پر پیش رفت کو تیز کرنے کی ضرورت ہے ، باہمی معاہدوں سے تعلقات میں مزید وسعت اور مضبوطی آئیگی۔
شیخ رشید نے کہا کہ برطانیہ اور پاکستان کے تعلقات انتہائی دیرینہ ہیں ، برطانیہ کے ساتھ تعلقات کو قدر کی نگاہ سے دیکھتے ہیں ، پاکستانی نژاد برطانوی شہری ہمارا بہترین قیمتی اثاثہ ہیں ، برطانیہ میں مقیم پاکستانی دونوں ممالک کے درمیان تعلقات کے فروغ میں بہت معاون ہیں۔
برطانوی ہائی کمشنر نے کہا کہ پاکستان اور برطانیہ کے درمیان تعلقات انتہائی دوستانہ اور ہمہ جہت ہیں ، پاکستان کی افغانستان کے معاملے میں غیرملکی اور افغان شہریوں کے انخلاء میں معاونت قابل ستائش ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News