جاپان کے ٹوکیو سمیت چار شہروں نے کورونا کے مثبت کیسوں میں اضافے کے باعث حکومت سے نیم ہنگامی حالت کے نفاذ کی درخواست کر دی۔
ٹوکیو ، سائیتاما ، چیبا اور کاناگاوا نے جاپانی حکومت سے ہنگامی حالت نافذ کرنے کی درخواست کی ہے علاوہ ازیں مزید شہر بھی اس درخواست میں شامل ہونے کے لئے پر تول رہے ہیں۔
جاپان کے وسطی علاقوں میں کورونا اور نئے ویریئنٹ اومیکرون کے بڑھتے ہوئے کیسوں کے باعث ان شہروں کی انتظامیہ نے اس اقدام کی درخواست کی ہے۔
توکائی کے علاقے آئیچی ، گلو اور میئے نے بھی اعلان کیا ہے کہ وہ حکومت سے ہنگامی اقدامات کی درخواست کریں گے۔
جاپان کے جنوب مغرب میں واقع شہر کُماموتو کے گورنر نے کہا ہے کہ شہر میں عالمی وباء کورونا کے مثبت کیسوں میں بتدریج اضافہ ہو رہا ہے۔
گورنر نے کہا کہ صورتحال کو مزید خراب ہونے سے پہلے ہی اس پر کنٹرول کرنے کی کوششیں جاری ہیں۔
گورنر کاہاشیما اکواو نے مزید کہا کہ مرکزی حکومت سے بات چیت جاری ہے اور دیگر شہروں کی طرح ہم بھی یہی چاہتے ہیں کہ نیم ہنگامی حالت کا نفاذ کر دیا جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News