آئی سی سی ٹیسٹ ٹیم آف دی ائیر کے اسکواڈ میں شامل 11 کھلاڑیوں میں 7 کا تعلق ایشیا سے ہے۔

تفصیلات کے مطابق 3 پاکستانی، 3 بھارتی اور ایک سری لنکن کھلاڑی آئی سی سی کی ٹیسٹ ٹیم میں اپنا نام درج کروانے میں کامیاب ہوئے ہیں۔ فواد عالم ، حسن خان  اور شاہین آفریدی آئی سی سی کی ‘ٹیسٹ ٹیم آف ایئر’ میں گزشتہ سال بہترین کارکردگی کے باعث اسکواڈ میں شامل ہوئے ہیں۔

کین ولیمسن کو ٹیسٹ ٹیم آف دی ائیر کا بھی کپتان مقرر کیا ہے۔ واضح رہے سال 2021 میں بھارت کو ٹیسٹ چمپئین شپ کے فائنل میں عبرتناک شکست سے دوچار کرنے والی کیوی سائیڈ کی کپتانی کین ولیمسن ہی کررہے تھے۔36 سالہ فواد عالم ٹیسٹ فارمیٹ میں اپنی مستقل مزاجی کے سبب چھائے رہے۔ انھوں نے 9 مقابلوں میں 57.10 کی اوسط سے 571 رنز اسکور کئے۔ جس میں تین شاندار سنچریاں بھی شامل ہیں۔

 پیسر حسن علی کی اسکواڈ میں واپسی پاکستان کیلئے بہتر ثابت ہوئی۔ انھوں نے 9 میچوں میں 16.07 کی بہترین اوسط سے 41 وکٹیں حاصل کیں۔ ابھرتے ہوئے باکستانی پیسر شاہین شاہ آفریدی کی پرفارمنس متاثر کن رہی۔

انھوں نے نے 9 میچوں میں 17.06 کی اوسط سے 47 وکٹیں حاصل کیں۔ بہترین ریورس سوئنگ سے شائقین کرکٹ کو محظوظ کرنے میں کامیاب ہوئے۔

آئی سی سی ٹیسٹ ٹیم آف دی ائیر کا اسکواڈ درج ذیل کھلاڑیوں پر مشتمل ہے۔

فواد عالم (پاکستان)

دیموتھ کرونارتنے (سری لنکا)

روہت شرما (انڈیا)

کین ولیمسن (نیوزی لینڈ)

مارنس لیبوشگن (آسٹریلیا)

 جوئے روٹ (انگلینڈ)

، رشبھ پنٹ (بھارت)

روی چندرن ایشون (بھارت)

کائل جیمیسن (نیوزی لینڈ)

شاہین شاہ آفریدی (پاکستان)

حسن علی (پاکستان)