خلائی تحقیق کے امریکی ادارے ناسا نے دنیا بھر کے انٹرپرینیور اور تخلیق کاروں کے لیے ایک نئے چیلنج کا اعلان کردیا ہے۔
ناسا کی جانب سے جاری ہونے والے بیان میں کہا گیا ہے کہ ہم موجدین اور انٹرپرینیور کے لیے انوکھا مقابلہ منعقد کروا رہے ہیں جسے اگر انہوں نے پورا کردیا تو ہر فاتح کو1 ہزار ڈالر کی انعامی رقم دی جائے گی۔
یہ چیلنج ناسا کی شراکت دار کراؤڈ سورسنگ پلیٹ فارم ہیرو ایکس کی حالیہ مہم کا حصہ ہے۔ اس چیلنج کے تحت شرکا کو خلابازوں کے لیے ایسا طریقہ کار کا تصور پیش کرنا ہے جس کی مدد سے وہ سرخ سیارے پر جانے والے نو ماہ کے مشن کے دوران حوائج ضروریہ سے باآسانی فراغت حاصل کرسکیں۔
’ویسٹ ٹو بیس چیلنج ‘ کے نام سے پیش کیے گئے اس مقابلے کے لیے چار کیٹیگریز پیش کی گئی ہیں، جن میں مریخ پر خلا نوردوں کے لیے فضلے، کچرے، فوم پیکیجنگ اور کاربن ڈائی آکسائیڈ پروسیسنگ کے لیے ویسٹ میینجمنٹ کا طریقہ کار وضح کرنا ہے۔
ناسا کی جانب سے یہ مقابللہ کرانے کا مقصد ایسا بیت الخلا تیار کرنا ہے جس کے ذریعے نو ماہ کے طویل عرصے کے لیے مریج پر جانے والے خلا باز فضلے کو تلف کرسکیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News