دنیا کی بلند ترین عمارت برج الخلیفہ سے بھی زیادہ بڑا عظیم الجثہ شہاب ثاقب آج رات زمین کے بہت نزدیک سے گزرے گا۔
خلائی تحقیق کے امریکی ادارے ناسا کے مطابق 7482 کا کوڈ نام رکھنے والا یہ شہاب ثاقب آج رات 43 ہزار میل فی گھنٹہ کی رفتار سے سفر کرتے ہوئے زمین سے سے 12 لاکھ میل کے فاصلے سے گزرے گا۔
اس سے قبل یہ شہاب ثاقب 1933 میں زمین سے 6 لاکھ 99 ہزار میل کے ٖفاصلے سے گزرا تھا۔ آج کے بعد یہ 2105 میں زمین کے اتنے نزدیک سفر کرے گا۔
اس شہابیے کو آر ایچ میک ناٹ نے میں آسٹریلیا کی ایک مشاہدہ گاہ میں دریافت کیا تھا۔ یہ سورج کے گرد ایک چکر 572 دنوں میں مکمل کرتا ہے۔
اس شہابیے کا قطر 3 ہزار 451 فٹ ہے جو کہ زمین پر موجود دنیا کی سب سے بڑی عمارت برج الخلیفہ سے بھی ڈیڑھ گنا اور ایمپائر اسٹیٹ بلڈنگ سے دوگنا زائد ہے۔ برج الخلیفہ کی اونچائی بھی 2 ہزار722 فٹ ہے۔
اس شہاب ثاقب کو یورپ کے مقامی وقت کے مطابق 9:51 پر بنا دوربین کے دیکھا جاسکے گا۔
سائنس دانوں کا کہنا ہے کہ اس سے زمین کو کوئی خطرہ لاحق نہیں ہے اور اس سے خلابازوں کو اس شہاب ثاقب کی سطح کا قریب سے مشاہدہ کرنے کا موقع ملے گا۔
ناسا اور دیگر خلائی ادارے سورج کے مدار میں گردش کرنے والے 28 ہزار شہاب ثاقب کو باقاعدگی سے مانیٹر کرتے ہیں اور ان میں اکثر زمین کے مدار میں بھی داخل ہوجاتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News