رواں مالی سال کی پہلی ششماہی کے دوران سیمینٹ کی برآمدات میں کمی دیکھی گئی ہے۔

وفاقی ادارہ شماریات کے مطابق رواں مالی سال کی پہلی ششماہی کے دوران پاکستان نے 14 کروڑ 37 لاکھ ڈالر سے زائد مالیت کا سیمینٹ دیگر ملکوں کو برآمد کیا۔

اعداد و شمار کے مطابق گزشتہ مالی سال کی پہلی ششماہی میں 14 کروڑ 29 لاکھ ڈالر سے زائد کا سیمینٹ برآمد کیا گیا تھا۔

 مزید پڑھیے: پنجاب میں 16 نئے سیمنٹ پلانٹس کی منظوری 

وفاقی ادارہ شماریات کے مطابق گزشتہ سال کے مقابلے میں رواں سال سیمینٹ کی برآمد میں 8 لاکھ ڈالر کا اضافہ ہوا ہے۔

ماہانہ بنیادوں پر جائزے سے یہ بات سامنے آئی ہے کہ رواں برس دسمبر کے مہینے میں 2 کروڑ 77 لاکھ ڈالرز سے زائد مالیت کا سیمینٹ برآمد کیا گیا جب کہ گزشتہ برس اسی مہینے میں ایک کروڑ 92 لاکھ ڈالر سے زائد مالیت کا سیمینٹ برآمد کیا گیا تھا۔

اسی طرح دسمبر کے مہینے میں نومبر کے مقابلے میں سیمینٹ کی برآمدات کے حجم میں 45 فیصد تک کمی آئی تھی۔

دوسری جانب گزشتہ مالی سال کے مقابلے میں رواں مالی سال سیمینٹ کی برآمدات میں مقدار کے حوالے سے 9 فیصد سے زئاد کی کمی دیکھی گئی ہے۔

اعداد و شمار کے مطابق گزشتہ مالی سال یکم جولائی سے 31 دسمبر کے دوران 43 لاکھ 25 ہزار 60 میٹرک ٹن سیمینٹ برآمد کیا گیاتھا جب کہ رواں سال اسی دورانیئے میں 39 لاکھ 21 ہزار 554 میٹرک ٹن سیمینٹ برآمد کیا گیا۔