محکمہ موسمیات کے مطابق کراچی میں تیز ہواؤں کے سبب سردی کی شدت میں اضا فے کا امکان ہے جب کہ شدید موسمی صورتحال کے باعث 6 افراد جاں بحق اور متعددزخمی ہوگئے۔
احتیاط کے پیش نظر سندھ حکومت نے دفعہ 144 نافذ کرتے ہوئے ماہی گیری اور سمندر میں نہانے پر پابندی عائد کردی۔
کے الیکٹرک نے بھی شہریوں سے احتیاط برتنے کے لئے خاص ہدایت جاری کردیں۔
محکمہ موسمیات کا کہنا ہے کہ تیز ہواؤں کا سلسلہ رات میں تھم جائے گا، رات سے سردی کی شدت میں اضافہ بھی ہونے کا امکان ہے۔
احتیاط کے پیش نظر سندھ حکومت نے دفعہ 144 نافذ کردی، سندھ حکومت کے مطابق تفریح کے لیے ساحل پر جانے والوں کو بھی خطرہ ہے جب کہ 7 روز تک سمندرمیں نہانے اور ماہی گیری پر پابندی عائد کردی گئی۔
کے الیکٹرک نے شہریوں سے خاص احتیاط برتنے کی درخواست کی ہے، بجلی کی تنصیبات، اسٹریٹ لائٹ پولز ، بل بورڈز، درختوں سے محفوظ فاصلہ رکھنے کی ہدایت دیں ہیں۔
کراچی میں تیز ہواؤں کے باعث 6 افراد جاں بحق جبکہ متعددزخمی ہوگئے، دھوراجی میں دیوارسے بلاکس سڑک کنارے سوئے نشئی کے سرپرآگرے، دیواریں گرنے سے اورنگی میں بچہ فرمان، سرجانی گلشن میں کم سن لڑکا رحمن، نارتھ ناظم آباد ایل ایک اور گلشن معمار میں بھی ایک ہلاکت ہوئی۔
گلبائی پل کے قریب زیر تعمیر عمارت کی دیوار گرنے سے مزدور جاں بحق ہوا، پاپوش میں اسکول کی دیوار اور درخت گر گئے، بلدیہ اسپارکو روڈ میں گھر کی چھت گرنے سے 2 خواتین سمیت تین افراد زخمی ہوئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News