سراج الحق نے کہا ہے کہ پی ٹی آئی کے نام پر جو گاڑی بنائی وہ اب نہیں چل رہی۔
اپنے ایک بیان میں امیر جماعت اسلامی سراج الحق نے کہا کہ ملک میں بداخلاقی ،کرپشن ،مہنگائی ،بے روزگاری اور بدامنی کی آگ لگی ہوئی ہے، رونے سے مسائل کا حل نہیں نکلے گا ہمیں اب اٹھنا ہوگا، ملک کو اسلامی ملک بنانے میں اپنا کردار ادا کرنا ہوگا۔
انہوں نے کہا کہ سندھ میں عوام پیپلز پارٹی کی حکومت کے کالے بلدیاتی قانون کے خلاف اُٹھ کھڑے ہوئے ہیں۔ قومی اسمبلی اور سینیٹ میں سود خور بیٹھے ہیں، سودی نظام نے معیشت کا بیڑا غرق کردیا۔
ان کا کہنا تھا کہ وزیراعظم بین الاقوامی بھکاری بن گیا ہے، مہنگائی کے مارے عوام بےحال ہو چکے ہیں۔
سراج الحق کا یہ بھی کہنا تھا کہ عمران خان نے ایک بار پھر ڈیزل پیٹرول کی قیمتوں میں تین روپے اضافے کر دیا تو اب عوام کیا کھائیں کیا پہنیں گے۔
انہوں نے کہا کہ پی ٹی آئی کے نام پر جو گاڑی بنائی وہ اب نہیں چل رہی، پی ٹی آئی نے ملک کا بیڑہ غرق کردیا یہ کہتے معیشت کے سقراط ساتھ ہیں لیکن پہلے اسد عمر پھر حفیظ شیخ کو لایا گیا اور نئے وزیر خزانہ کے بعد بھی گاڑی نہیں چلی ۔
سراج الحق نے یہ بھی کہا کہ اس نتیجہ پر پہنچے عمران خان اور پاکستان ساتھ ساتھ نہیں چل سکتے، جماعت اسلامی مہنگائی منی بجٹ معاشی اور سودی نظام کے خلاف گلیوں چوکوں چوراہوں میں بھرپور احتجاج و تحریک چلائیں گے۔
ان کا کہنا تھا کہ لاہور گندگی کا ڈھیر بن گیا ہے، قوم کو مسائل کی دلدل سے نکالنے کے لئے کاوشیں کریں گے اور سود سے پاک معیشت دیں گے اور اس لعنت سے نجات دلائیں گے
امیر جماعت اسلامی سراج الحق کا مزید کہنا تھا کہ خرابیوں کی جڑ موجودہ حکومت ہے اس لئے اس نظام کو بدلنا ناگزیر ہو چکا ہے، کراچی کے دھرنے میں بلدیاتی نظام و کالے قانون کے خلاف ہے۔ مطالبہ کرتا ہوں سندھ کی حکومت پیپلزپارٹی کو ان کی بات سننی چاہئے عوام کی مرضی سے بلدیاتی نظام ہونا چاہیے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News