چنیوٹ میں مبینہ طور پر لاکھوں روپے کا جوا کھیلنے والے 10 ملزمان گرفتار کر لیے گئے۔
پولیس کا کہنا ہے کہ ملزمان تھانہ لنگرانہ کے علاقے 246 میں کتوں کی لڑائی پر جوا کھیل رہے تھے۔
اس کے علاوہ ملزمان سے داؤ پر لگی رقم برآمد کرکے مقدمہ درج کر لیا گیا۔
واضح رہے کہ گجرات میں آوارہ کتوں نے گلیوں، محلوں، اہم شاہرہوں، سرکاری دفاتر اور پارکوں سمیت دیگر سرکاری املاک کو اپنا مسکن بنا لیا ہے۔
ضلع کے مختلف علاقوں میں آوارہ کتوں نے 2 ہفتوں کے دوران 500 افراد کو بھنبھور ڈالا۔
شہر اور مضافاتی علاقوں میں آوارہ کتوں کے غول کے غول رات اور دن کے اوقات میں خواتین، بچوں اور بزرگوں کو نشانہ بنانے لگے۔
سرکاری اسپتال کے اعداد وشمار کے مطابق، کھاریاں 55، ڈنگہ 30، لالہ موسی 20، گجرات 250، کنجاہ 30، جلالپورجٹاں 40، کوٹلہ 15، ٹانڈہ 5 اور سرائے عالمگير 45 کتوں کے کاٹنے کے کیسز رپورٹ ہوئے۔
ڈپٹی کمشنر گجرات کی دوسری بار تعیناتی کے باوجود شہری اذیت کا شکار ہیں جبکہ انتظاميہ افسران فوٹو سیشن اور کاغذی کارروائيوں تک محدود ہیں۔
ضلع بھر میں آوارہ کتوں کی بہتات، ڈاگ بائیٹ کے کیسز میں اضافہ ہوگیا ہے جبکہ کتے کے کاٹنے کے بعد زخمی مریض کو ویکسين کے بعد گھر بھیج دیا جاتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News