معید یوسف کا دورہ کابل مؤخر ہو گیا ہے۔
سفارتی ذرائع کے مطابق وزیراعظم کے مشیر قومی سلامتی ڈاکٹر معید یوسف کا دورہ ایک ہفتے کے لئے ملتوی کیا گیا ہے۔
ذرائع کا کہنا ہے کہ ان کا دورہ نامساعد موسمی حالات کی وجہ سے ملتوی کیا گیا۔
واضح رہے کہ وزیراعظم کے مشیر قومی سلامتی ڈاکٹر معید یوسف نے وزیراعظم عمران خان کی خصوصی ہدایت پر کابل کے دورے پر جانا تھا۔
یاد رہے کہ دورے کے دوران ڈاکٹر معید وفد کے ہمراہ طالبان کی اعلیٰ قیادت سے اہم ملاقاتیں کریں گے ، پاک، افغان تعلقات، افغانستان کی انسانی ہمدردی کی بنیاد پر امداد سے متعلق امور پر بات ہو گی۔
ذرائع کا کہنا تھا کہ پاکستانی وفد زمینی حقائق، افغان عوام کی ضروریات، درکار تکنیکی امداد کا جائزہ لے گا ، معید یوسف پاک، افغان سرحد پر باڑ کی تنصیب کے عمل اور دیگر امور پر گفتگو کریں گے۔
ملاقات میں افغان عبوری حکومت اور کالعدم ٹی ٹی پی سے متعلق امور بھی زیر غور آئیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News