بلاول بھٹو نے کہا ہے کہ کچھ سازشی عناصر ہیں انکو سازشیں کرنے دیں۔
پاکستان پیپلز پارٹی کے چیئر مین بلاول بھٹو نے لاڑکانہ میں سندھ سالڈ ویسٹ منجمنٹ کے منصوبے کی افتتاحی تقریب سے خطاب کرتے ہوئے کہا ہے کہ حکومت کے اسلام آباد میں جمع کچرے کا بھی صفایا کریں گے۔
انہوں نے کہا کہ کچھ سازشی عناصر ہیں انکو سازشیں کرنے دیں ، عوامی خدمت کی پالیسی کو ملک بھر میں لیکر جائیں گے ، ہم نے عوام کی خدمت کرنی ہے،جدوجہد جاری رکھنی ہے۔
بلاول بھٹو نے کہا ہے کہ سالڈ ویسٹ مینجمنٹ کی سرگرمیوں میں بہتری آئے گی ، سالڈ ویسٹ مینجمنٹ سے تعاون کرکے شہر کو صاف کرینگے ، عوام کے تعاون کے بغیر شہر میں صفائی ناممکن ہے۔
پاکستان پیپلز پارٹی کے چیئرمین نے کہا ہے کہ ہمیں مل کر اپنے شہر کو صاف رکھنا ہے ، لاڑکانہ میں بھی گندگی کے مسائل تھے ، لاڑکانہ میں گھروں سے کچرا اٹھایا جائے گا۔
انہوں نے کہا کہ مرتضیٰ وہاب نے کے ایم سی و دیگر کے ساتھ مل کر کام کیا ، ہماری آبادی میں اضافہ ہواہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News