سعودی ولی عہد کا مارچ میں دورہ پاکستان متوقع

ویب ڈیسک

22nd Jan, 2022. 05:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی ولی عہد کا مارچ میں دورہ پاکستان متوقع

سعودی ولی عہد محمد بن سلمان کا مارچ میں دورہ پاکستان متوقع ہے۔

سفارتی ذرائع کے مطابق سعودی ولی عہد 22 مارچ کو پاکستان پہنچیں گے ، سعودی ولی عہد کے ہمراہ ایک اعلیٰ سطح کا وفد بھی پاکستان آئے گا۔

ذرائع کا کہنا ہے کہ دورہ پاکستان میں سعودی ولی عہد کی اعلیٰ سیاسی و عسکری قیادت سے ملاقاتیں متوقع ہیں ، سعودی ولی عہد کی 23 مارچ کی پریڈ میں بھی شرکت کا امکان ہے۔

پریڈ میں دیگر ممالک کے وزرائے خارجہ بھی شرکت کریں گے ، پریڈ میں سعودی افواج کا ایک دستہ بھی خصوصی شرکت کرے گا ، بارہ سے پندرہ وزرائے خارجہ او آئی سی وزرائے خارجہ اجلاس میں شرکت کے لیے پاکستان میں موجود ہوں گے۔

سفارتی ذرائع کا کہنا ہے کہ امریکی، چینی و روسی نمائندہ خصوصی برائے افغانستان کی بھی او آئی سی وزرائے خارجہ کونسل میں شرکت کے لیے پاکستان موجودگی متوقع ہے۔