چار بازوؤں اور چار ٹانگوں کے ساتھ پیدا ہونے والے بچے کو مقامی لوگوں نے بھگوان کا اوتار سمجھ کر پوجنا شروع کردیا ہے۔

مشرقی بھارت کے صرر ہسپتال میں 17 جنوری کو اس عجیب الخلقت بچے کی پیدائش ہوئی، جسے دیکھنے کے لیے آنے والوں کا ہجوم لگ گیا۔

نوزائیدہ بچے کی جنس کے حوالے سے ابھی تک کوئی معلومات نہیں ہیں، لیکن اپنی منفرد شکل اور اضافی اعضاء کی وجہ سے وہ مشہور مقامی شخصیت بن گیا ہے۔

ویڈیو فوٹیج میں دکھایا گیا ہے کہ بچے کو مسحور مکینوں نے گھیر رکھا ہےاور اس کے اضافی اعضاء کی تصاویر لی جارہی ہیں۔

 بچے کو ماں کی گود میں رکھی رنگ برنگی چادروں سے بھری ٹوکری میں آرام کرتے دیکھا جا سکتا ہے۔

بہت سے لوگوں کے ماننا ہے کہ بچے کی اس حالت کا تعلق مذہب سے ہے، حالانکہپ ڈاکٹروں نے تصدیق کی ہے کہ یہ پیدائشی نقائص حمل کی پیچیدگی کی وجہ سے ہیں۔

اس سے قبل بھارت میں ہی اتر پردیش میں ایک چھ سالہ بچی “دو ناکوں اور ایک سونڈ” کی وجہ سے مشہور ہوئی تھی۔

لکشمی کو ہندو دیوتا قرار دیا گیا، مقامی لوگوں کا خیال تھا کہ بچی بھگوان گنیش کا اوتار ہے۔

لکشمی مقامی بچوں کے لیے خوف کا باعث بن گئی تھی، لکن جب سرجری کے زریعے اس کی سونڈ کو ہٹا دیا گیا تو چہرے پر دو ناکیں نمودار ہوئیں۔

اب تہواروں پر اس چھوٹی بچی کو تحائف اور پیسے دئیے جاتے ہیں۔ یہاں تک کہ لوگ بچی سے اس کے آشیرباد کی بھیک مانگتے ہیں۔