سرد اور خشک موسم میں انسان کئی قسم کی بیماریوں سے دوچار ہوتا ہے لیکن اگر اپنی غذا میں ہلدی کا استعمال کر لیا جائے تو خود کو بیماریوں سے محفوظ کیا جا سکتا ہے۔

 کے ساتھ ہی کئی بیماریاں جنم لیتی ہیں، لیکن گھریلو علاج کے ذریعے ان بیماریوں کو روکا جا سکتا ہے اور اس کے لئے آپ کو ایسی غذاؤں کا استعمال کرنا ہوگا ۔

ہلدی ایک قدرتی اینٹی آکسیڈنٹ ہے اور اس میں اینٹی سوزش خصوصیات بھی ہیں ماہرین سردی کے موسم میں ہلدی کو اپنی غذا کا لازمی حصہ بنانے کا مشورہ دیتے ہیں اس کی وجہ یہ ہے کہ اس سے آپ کی قوتِ مدافعت میں اضافہ ہوتا ہے اوریہ جو آپ کو نزلہ زکام، بخار اور کھانسی جیسے مسائل سے دور رکھ سکی ہے۔

ہلدی جسم کے مدافعتی نظام کو بہت سی بیماریوں کے خلاف لڑنے میں مدد کرتی ہے، ہلدی کے فوائد حاصل کرنے کا بہترین طریقہ یہ ہے کہ ہم اسے اپنی روزمرہ کی خوراک میں شامل کریں۔

تاہم ہلدی کو آپ کس طرح خوش ذائقہ مشروبات کے ساتھ استعمال کر سکتے ہیں اس کے چند طریقے ذیل میں موجود ہیں۔

ہلدی والے مختلف مشروبات

کینو اور ہلدی والا ڈرنک

ایک عدد کینو چھیل کر اس کا رس نکال لیں، اب ایک عدد گاجر کا بھی رس نکال کر اس میں ملا لیں، اب ان دونوں کو مکس کریں اور اس میں آدھا چائے کا چمچ ہلدی شامل کریں پھر لیموں کا رس اور اوپر سے ادرک کا رس ڈال کر مکس کریں اور ٹھنڈا کر کے پی لیں، یہ ایک ایسا جادوئی ڈرنک ہے جو نہ صرف ذائقے میں مزیدار بلکہ آپ کی قوتِ مدافعت کو بڑھانے کے لئے بہترین ثابت ہوگا۔

ہلدی وینیلا دہی اسموتھی

آپ ہلدی کو شامل کر کے دہی کی بہترین اسموتھی بھی بنا سکتے ہیں اس کے لئے بس ایک کپ دہی لیں، اس میں آدھ چائے کا چمچ ہلدی شامل کریں، 2 عدد کیلے شامل کریں ایک چٹکی دارچینی ملائیں اور مٹھاس کے لئے ایک سے 2 کھانے کے چمچ شہد ملا لیں اسے بلینڈ کریں اور پی لیں۔

ہلدی مصالحہ دودھ

ہلدی اور دودھ کے بارے میں تو سب ہی جانتے ہیں لیکن اگر سردی میں اس ہلدی دودھ میں جلد غذائیت سے بھرپور اجزاء اور شامل کر لی جائیں تو کیا ہی بات ہے، دودھ میں ہلدی شامل کر کے اسے پکائیں، اب اس میں ایک چٹکی دارچینی پاؤڈر مٹھاس کے لئے شہد اور گُڑ شامل کریں اور رات کے وقت گرما گرم یہ ہلدی مصالحہ دودھ پی کر سو جائیں، نہ ہی سردی لگے گی اور نہ ہی کوئی سردی کا انفیکشن آپ کا کچھ بگاڑ سکے گا۔

ہلدی اجوائن کا پانی

اس مشروب کو بنانے کے لئے آپ اجوائن کو رات بھر پانی میں بھگو دیں، اگلے دن اس پانی کو کچی ہلدی کے ساتھ اُبالیں اور پھر چھان کر گرما گرم پی لیں، یہ مشروب آپ کی صحت کے لئے بےحد مفید ثابت ہوگا اور آپ کو سردی کی مختلف بیماریوں سے بچائے گا۔