بلاول بھٹو نے کہا ہے کہ عمران خان ہیلتھ بجٹ پر ڈاکا مار رہے ہیں۔
چیئرمین پیپلز پارٹی بلاول بھٹو نے کہا ہے کہ صحت کارڈ سے نجی اسپتالوں کا فائدہ ہوگا ، پی ٹی آئی حکومت نے وسیلہ صحت کا نام صحت کارڈ رکھا۔
انہوں نے کہا کہ میاں صاحب نے وسیلہ صحت کا نام تبدیل کرکے پی ایم صحت کارڈ رکھا تھا ، پی ٹی آئی نے نقل کی لیکن نقل کیلئے بھی عقل کی ضرورت ہوتی ہے ، صحت کا نظام اسطرح نہیں چل سکتا جسطرح پی ٹی آئی چلارہی ہے۔
بلاول بھٹو نے کہا ہے کہ صحت کارڈ میں امیروں کیلئے وہی سبسڈی ہے جوغریبوں کیلئے ہے ، این آئی سی وی ڈی طرزکا ادارہ کسی دوسرے صوبے میں نہیں ، پورے پاکستان میں ایک تحصیل دکھا دیں جہاں کینسرکا مفت علاج ہوتا ہے۔
چیئرمین پیپلز پارٹی نے کہا کہ ایک اسپتال دکھا دیں جہاں گردوں اورجگرکا مفت علاج ہو ، گمبٹ اسپتال میں عالمی معیار کی سہولتیں موجود ہیں ، گمبٹ اسپتال میں100فیصد مفت علاج ہوتا ہے۔
انہوں نے کہا کہ پنجاب کے29فیصد مریضوں میں گمبٹ میں ٹرانسپلانٹ کرایا ، بلوچستان50،خیبرپختونخوا سے40فیصد مریض علاج کیلئے سندھ آئے ، سندھ جیسے اسپتال کسی دوسرے صوبے میں نہیں دیکھیں گے۔
بلاول بھٹو نے کہا ہے کہ عوام کوصحت کی مفت سہولتیں فراہم کرنا چاہتے ہیں ، پہلے گمبٹ اسپتال میں گردوں اور جگرکا علاج ہوتا تھا ، کینسر کا بھی 100فیصد مفت علاج ہورہا ہے ، گمبٹ آج سے پاکستان کا میڈیکل سینٹر ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News