حافظ نعیم الرحمن نے کہا ہے کہ تاریخ بدل رہی ہے کراچی تبدیل ہورہا ہے۔
امیرجماعت اسلامی کراچی حافظ نعیم الرحمان نے شاہراہِ فیصل پر احتجاجی مارچ سے خطاب کرتے ہوئے کہا کہ کراچی کو اس کا حق کے لانے کے لئے مارچ کیا جا رہا ہے۔جو شہر سب سے زیادہ ریونیو دیتا ہے اسے بے اختیار کر رکھا ہے، مجھے بتاؤ دو کروڑ سے زائد آبادی کا دنیا میں کونسا شہر ہے۔
انہوں نے کہا کہ کراچی والوں نے جنہیں ووٹ ڈالا تھا انہوں نے کراچی کا سودا کیا، سترہ روز سے دھرنے میں بچے شریک ہے، ان کا کیا مستقبل ہے؟ شہر کراچی دنیا کا تیسرا بڑا شہر ہے لیکن کراچی میں نہ ٹرانسپورٹ ہے اور نہ صحت کا نظام ہے۔
حافظ نعیم الرحمان کا کہنا تھا کہ احتجاجی مارچ میں شریک تمام افراد کو خراج تحسین پیش کرتاہوں، آج احتجاجی مارچ نے سندھ حکومت کو پیغام دے دیا کہ کالا قانون نا منظور ۔
امیرجماعت اسلامی کراچی کا یہ بھی کہنا تھا کہ تاریخ بدل رہی ہے کراچی تبدیل ہورہا ہے ، شہرکے ساڑھے تین کروڑ شہری اپنا حق مانگ رہے ہیں۔
انہوں نے کہا کہ شہر پر وڈیرے قبضہ کرنا چاہتے ہیں۔ٹینکر مافیا نے شہرکے لوگوں کو پانی مہنگا کردیا، شہریوں کو پانی کے لیے ترسایا جارہا ہے۔
امیرجماعت اسلامی کراچی کا کہنا تھا کہ میں شہر کراچی کی عوام کو دعوت دیتا ہوں کہ جماعت اسلامی کا ساتھ دے، جماعت اسلامی کراچی کے حق کی تحریک جاری رکھے گی۔
حافظ نعیم الرحمان کا یہ بھی کہنا تھا کہ میں آصف علی زرداری اور بلاول بھٹو سے سوال کرتا ہوں کہ اگر بین الاقوامی میڈیا ان سے سوال کرے کہ شہر کراچی کی حکومت کو کیا اختیار حاصل ہے تو آصف علی زرداری اور بلاول بھٹو جواب نہیں دے سکیں گے
امیرجماعت اسلامی کراچی حافظ نعیم الرحمان کا مزید کہنا تھا کہ شہر میں بجلی اور پانی کا نظام شہری حکومت کے ماتحت نہیں ہے، کیماڑی،نیو کراچی سرجانی،وسطی کے مختلف علاقوں میں مارچ ہوگا جبکہ اب شہر بھر میں مارچ کیے جائیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News