یہ بات سننے میں عجیب سی لگتی ہے، لیکن حقیقت یہی ہے کہ کافی میں ناریل کے تیل کا استعمال صحت پر حیرت انگیز اثرات مرتب کرتا ہے۔

یہ بات تو سب ہی جانتے ہیں کہ ناریل، ناریل کا پانی اور اس سے حاصل ہونے والا تیل اپنے اندر کئی صحت بخش اجزا لئے ہوئے ہے، اور اس کا استعمال آپ کی مجموعی صحت کو بہتر بنانے میں اہم کردار ادا کرتا ہے، جبکہ دوسری جانب کافی بھی ایک ایسا مشروب ہے جس میں کیفین پائی جاتی ہے جو دماغ کو چاک و چوبند رکھنے کے لئے مشہور ہے۔

 کافی اور ناریل کے تیل میں ایک جیسی خصوصیات پائی جاتی ہے اوران دونوں کے ملا کر ایک توانائی سے بھر پور مشروب سامنے آتا ہے۔

یہ کس طرح صحت کو فائدہ دیتا ہے جانتے ہیں۔

بلڈ شوگر

ناریل کے تیل کا استعمال خلیوں کو انسولین سے بہتر انداز میں جوڑے رکھتا ہے اس طرح سے خون میں چینی کی سطح اعتدال میں رہتی ہے، جو ذیابیطس کے مریضوں کے لئے بہت اہمیت رکھتی ہے کیونکہ اس مرض میں خون میں چینی کی سطح اعتدال میں رکھنے کے لئے ادویات کا استعمال کیاجاتا ہے۔

میٹابولزم

اس تیل کا استعمال میٹابولزم کو تیز کرتا ہے جس سے جسم میں جمع ہونے والی چربی بہترانداز میں ایندھن کے طور پراستعمال ہوتی ہے۔

یہ بات ایک تحقیق کے نتیجے میں سامنے آئی ہے، جس میں 40 ایسی خواتین کو شامل کیا گیا جن کی عمریں20  سے 40 سال کے درمیان تھی اور وہ پیٹ کی جانب سے موٹاپے کا شکار تھی۔

12 ہفتوں تک ان خواتین کو ایک غذائی چارٹ دیا گیا تھا جس میں 30 ملی لیٹر ناریل یا سویا بین کا تیل استعمال کرنا تھا۔

12 ہفتوں تک جاری رہنے والی اس تحقیق کے بعد محققین نے نوٹ کیا کہ جن خواتین نے ناریل کے تیل کا استعمال کیا تھا ان کی کمر کی جانب سے بی ایم آئی میں نمایاں کمی ہوئی اور اچھے کولیسٹرول ایچ ڈی ایل میں اضافہ ہوا جبکہ جس گروپ کو سویا بین کا تیل دیا گیا تھا ان میں کوئی فرق نہیں دیکھا گیا۔

دماغ

کافی کا ایک کپ آپ کو صرف جگاتا ہی نہیں بلکہ آپ کی ذہنی صلاحیت کو بھی بڑھاتا ہے، اگراس میں ناریل کا تیل بھی شامل کرلیا جائے تویہ کیٹون نامی کیمیکل میں اضافہ کا سبب بنتا ہے جو ذہن کے افعال کو بہتربنانے میں اہم کردارادا کرتا ہے۔

نظام انہضام

کافی کا ایک کپ قبض کی شکایت کودور کرنے میں نہایت مؤثر ثابت ہوتا ہے جبکہ اس میں ناریل کے تیل کا استعمال اس کی افادیت میں مزید اضافہ کا سبب بنتا ہے۔ اس طرح دائمی قبض کی شکایت میں اس مشروب کا استعمال بےحد مؤثر ثابت ہوتا ہے اور ساتھ ہی یہ آنتوں کی سوزش کو بھی کم کرنے میں مدد فراہم کرتا ہے۔

قوت مدافعت

ناریل کے تیل میں 50 فیصد ایسے فیٹی ایسڈز پائے جاتے ہیں جو کئی طرح کے انفیکشنز بشمول فلو، بخار کی صوعت میں ہونے والے چھالے، عام سردی کے زخم اور خاص طور پر ماؤں سے بچوں میں ایچ آئی وی کی منتقلی کو روکنے کے لئے استعمال ہوتا ہے۔