تھرپارکر میں غذائی قلت و امراض کے باعث بچوں کی اموات جاری ہیں۔

اسپتال کے ذرائع کے مطابق سول اسپتال مٹھی میں زیر علاج 6 بچے دم توڑ گئے، دم توڑنے والوں میں 7 ماہ کی شازیہ، 45دن کا عارب ولد سعید اللہ، 16دن کا نقین رحمان ولد عارب جبکہ پرکاش، فدا حسين اور سوائی کے نومولود شامل ہیں۔

ذرائع کے مطابق یکم جنوری سے آج تک تھر میں جاں بحق بچوں کی تعداد 49 ہوگئی ہے جبکہ گزشتہ سال 625 بچے لقمہ اجل بنے تھے۔

اسپتال انتظامیہ کے مطابق تھر کے مختلف علائقاجات سے لائے گئے  بیمار بچے علاج کے بعد صحتیاب ہوکر گھر چلے گئے۔

مزید پڑھیں: تھرپارکر، غذائیت کی کمی میں مبتلا بچوں کی اموات کا معاملہ

چیف جسٹس پاکستان کی تھر آمد سے قبل اسپتالوں میں مقرر کردہ اضافی عملہ چیف کے جانے کے بعد واپس کردیا گیا جبکہ ضلع انتظامیہ تھر و محکمہ صحت کے زمیداران فقط دعووں تک محدود ہے۔

واضح رہے کہ تھر کی شہری و دیہی علائقاجات کی سرکاری اسپتالوں میں ادویات و عملے کی قلت برقرار ہے، محکمہ صحت سنھ تھر پارکر میں صحت کی سہولیات بہتر بنانے کے بجائے ہسپتالوں کو سجانے لگی۔

یہ بھی پڑھیں: تھرپارکر، بچوں کی اموات کا سلسلہ تھم نہ سکا