جلد نے انسانی جسم کو ایک کپڑے کی طرح ڈھانپ رکھا ہے اور یہی جسم کا سب سے بڑا عضو بھی کہلاتا ہے جس طرح آپ بیماری کی صورت میں اپنا خیال رکھتے ہیں اسی طرح جلد کی حفاظت بھی ضروری ہے۔ اس سلسلے میں خواتین مردوں کے مقابلے میں کافی محتاط رویہ رکھتی ہیں وہ نہ صرف اس کا خیال رکھتی ہیں بلکہ اسے مزید بہتر بنانےکے لیے کئی طرح کے ٹوٹکے بھی آزماتی ہیں مگر مرد حضرات اس جانب بلکل توجہ نہیں دیتے۔
اگر آپ ابھی تک اپنی جلد کے بارے میں سنجیدہ نہیں ہیں تو اب ہو جائیں، آپ کو بہت زیادہ نہیں بلکہ چند عادات اپنانا ہوگی جس کے دیرپا نتائج آپ کو خود نظر آئیں گے۔ اور جب آپ کی جلد صاف اور بے داغ ہوگی تو آپ خود بھی اچھا محسوس کریں گے۔
کلینزنگ
مرد حضرات کی بڑی تعداد دن کے آغازپر صابن یا کسی بھی فیس واش سے منہ دھوتی ہے مگر رات میں نہیں، آج سے رات سونے سے قبل صابن سے منہ دھونے کو اپنی عادت بنا لیں تاکہ دن بھر کا گردوغبار دھل جائے ورنہ یہ آپ کے پورز میں جاکر جم جائے گا۔
اگر آپ حساس جلد کے مالک نہیں ہیں تو شیوکرنے سے پہلے فومنگ کلینزراستعمال کریں تاکہ چہرے پر جمی چکنائی صاف ہوجائے۔ اگر آپ چکنی جلد رکھتے ہیں توصبح شیو کرنے سے قبل گرم پانی میں تولیہ بھگو کر اس سے چہرہ صاف کریں اس کے بعد ٹھنڈے پانی سے چہرہ دھو لیں، آپ کافی فریش محسوس کریں گے۔
مرمت
فضائی آلودگی، سگریٹ نوشی، انڈسٹریل کیمیکل اور سورج کی مضر شاعیں جلد کو نقصان پہنچاتی ہیں اور جھریوں اور جھائیوں کا سبب بنتی ہے اگر آپ کی عمر 30 سال سے زائد ہے تو سونے سے قبل وٹامن سی سے بھرپور کریم کا استعمال ان کا بہترین حل ہے۔
موئسچرائز
دن کے آغاز پر اپنے اینٹی آکسیڈینٹ سیرم کے ساتھ ایسے موئسچرائز جس کا ایس پی ایف 30 ہوساتھ استعمال کریں۔ سن اسکرین صرف ساحل سمندر، آئوٹ ڈور اسپورٹس کے لیے ہی لازمی نہیں ہے بلکہ جب بھی گھر سے باہر جائیں اسے لگانا نہ بھولیں۔
جبکہ رات میں سن اسکرین کے بغیر موئسچرائزراستعمال کریں۔ اگر آپ کی جلد خشک نہیں ہے تو پھر اسے استعمال نہیں کریں۔
جلد کی مناسبت سے پروڈکٹ کا انتخاب کریں
مردوں کی جلد کسی حد تک موٹی اور چکنی ہو تی ہے، تو کسی بھی پروڈکٹ کی خریداری سے قبل یہ جاننا ضروری ہےکہ آپ کی جلد کس طرح کی ہے اور اسی کو دیکھتے ہوئے پروڈکٹ خریدیں۔
مردوں کی جلد کی حفاظت کے لیے بنائے جانے والی تمام ہی پروڈکٹ بہترین ہو تی ہیں مگر بہت سی جلد کی محافظ پروڈکٹس مردوخواتین دونوں کے لیے موزوں رہتی ہیں تو اپنے آپ کو خاص مردوں کی پروڈکٹس کے لیے محدود نہ رکھیں. آپ دونوں طرح کی پروڈکٹس استعمال کر سکتے ہیں جو آپ کی جلد کے لیے بہترہو۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News