پارلیمانی سیکرٹری عالیہ حمزہ کا کہنا ہے کہ وزیراعظم عمران خان اس صدی کے بہترین لیڈر ہیں۔
پارلیمانی سیکرٹری عالیہ حمزہ نے معاشی بہتری کے اعشاریے پیش کر دیے ہیں، عالیہ حمزہ نے کہا کہ موجودہ حکومت میں معیشت بہتری کے راستے پر گامزن ہوئی ہے۔
عالیہ حمزہ کا کہنا تھا کہ موجودہ حکومت پر معیشت تباہی کے بلیم گیم کرنے والوں کو میرا کھلا چیلنج ہے، گزشتہ ادوار اور موجودہ حکومت کی معاشی صورت حال پر مناظرہ کرنے کو تیار ہوں۔
عالیہ حمزہ نے کہا کہ کورونا کے باوجود مالی سال کے پہلے 9 ماہ میں لیسٹڈ بزنس کا سالانہ منافع 59 فیصد ہوا جبکہ پاکستان اسٹاک مارکیٹ نے 250 ارب کا ریکارڈ منافع کیا اور 10 سالہ ریکارڈ توڑا۔
عالیہ حمزہ نے کہا کہ وزیراعظم عمران خان کی بہتر پالیسیوں کی وجہ سے پاکستان میں ٹیکس ٹو جی ڈی پی کم ہو رہا ہے۔
عالیہ حمزہ کا کہنا تھا کہ تحریک انصاف کی حکومت 10سال پہلے آتی تو ہر بندے کے پاس اپنا گھر ہوتا، پاکستان کی جی ڈی پی گروتھ 3.98 فیصد سے 5 فیصد تک لے کر جائیں گے۔
عالیہ حمزہ نے کہا کہ ن لیگ اور پیپلز پارٹی کے دور حکومت میں ہر سال منی بجٹ آیا، موجودہ حکومت نے ٹیکس ٹارگٹ سے287 ارب روپے زیادہ کولیکشن کی۔
عالیہ حمزہ نے کہ پہلی دفعہ عوامی ٹیکسز کا پیسہ سرے محل اور ایون فیلڈ اپارٹمنٹس کے بجائے عوام پر خرچ ہو رہا ہے۔
انہوں نے مزید کہا کہ وزیراعظم عمران خان نے ملک میں کرپشن کا باب بند کیا ہے، عمران خان نے سمندرپار پاکستانیوں کو انکا حق دلایا ہے۔
انہوں نے کہا کہ مجھے فخر ہے کہ عمران خان میرے اور عوام کے لیڈر ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News