وزیراعظم آزاد جموں و کشمیرسردار عبد القیوم نیازی نے کہا ہے کہ لاہور میں ہونے والے دھماکے میں انسانی جانوں کے ضیاع کا سن کر دل رنجیدہ ہے۔
وزیراعظم سردار عبد القیوم نیازی نے لاہور دھماکے میں انسانی جانوں کے ضیاع پر گہرے دُکھ اور غم کا اظہار کیا۔
وزیراعظم سردار عبد القیوم نیازی نے کہا کہ دھماکے میں انسانی جانوں کے ضیاع کا سن کر دل رنجیدہ ہے۔
وزیراعظم سردار عبد القیوم نیازی کی زخمی ہونے والے افراد کی جلد صحتیابی کے لئے بھی دعا۔
یاد رہے لاہور کے علاقے نیو انار کلی بازار کی پان منڈی میں عین اس وقت دھماکا ہوا جب لوگوں کی بڑی تعداد وہاں موجود تھی۔ دھماکا اس قدر شدید تھا کہ اس سے 6 موٹر سائیکلیں اور اردگرد کی دکانیں تباہ جب کہ گاڑیوں میں بھی آگ گئی۔
دھماکے کے زخمیوں کو فوری طور پر قریبی اسپتال منتقل کردیا گیا۔ طبی عملے نے 3 افراد کے جاں بحق ہونے کی تصدیق کردی ہے جب کہ 20 زخمیوں کو طبی امداد فراہم کی جارہی ہے۔
سیکیورٹی فورسز نے علاقے میں گھیرے میں لے کر سرچ آپریشن شروع کردیا ہے جب کہ پولیس کی خصوصی ٹیمیں شواہد اکٹھا کررہی ہیں۔ ڈی آئی جی آپریشنز کا کہنا ہے کہ ابتدائی شواہد سے ایسا لگتا ہے کہ دھماکے میں موٹرسائیکل استعمال کی گئی ہے۔
دھماکا امن و امان سبوتاژ کرنے کی مذموم کارروائی
وزیراعلیٰ پنجاب عثمان بزدار نے انارکلی میں دھماکے کی شدید مذمت اور قیمتی انسانی جانوں کے ضیاع پر گہرے دکھ اور افسوس کا اظہار کیا ہے۔
وزیر اعلیٰ پنجاب نے کہا ہے کہ دھماکے کے ذمہ دار قانون کی گرفت سے نہیں بچ پائیں گے، یہ واقعہ امن و امان کی فضاء کو سبوتاژ کرنے کی مذموم کارروائی ہے، دھماکے کے ذمہ داروں کو جلد گرفتار کر کے قانون کے کٹہرے میں لایا جائے۔
وزیراعظم عمران خان کا نوٹس
وزیر اعظم عمران خان نے لاہور دھماکے میں قیمتی انسانی جانوں کے ضیاع پر اظہار افسوس کرتے ہوئے کہا کہ زخمیوں کو فوری طور پر طبی امداد کی فراہمی کی جائے۔
عمران خان نے کہا ہے کہ دھماکے کے ذمےداروں کو فوری گرفتار کیا جائے۔ اس کے علاوہ عمران خان نے پنجاب حکومت سے واقع کی رپورٹ طلب بھی کر لی ہے۔
دھماکے میں بھاری مواد استعمال کیا گیا، کمشنر لاہور
نیو انارکلی دھماکہ پر ڈپٹی کمشنر لاہور کا کہنا ہے کہ دھماکے میں بھاری مواد استعمال کیا گیا۔ کمشنر لاہور کے مطابق دھماکے میں28 افراد زخمی ہوئے ہیں،زخمیوں میں 3 خواتین بھی شامل ہیں جبکہ 5زخمیوں کی حالت تشویشناک ہے۔
ڈپٹی کمشنر لاہور کا کہنا ہے کہ اگلے ایک سے2 گھنٹے میں تفصیلات بھی سامنے آجائیں گی۔ کمشنر لاہور نے کہا کہ اسپتالوں میں زخمیوں کی دیکھ بھال کی جارہی ہے اور لاہور پولیس اور فرانزک ٹیمیں دھماکےکا تعین کررہی ہیں۔ انہوں نے مزید کہا کہ ہائی الرٹس میں کسی جگہ کی نشاندہی نہیں ہوتی۔
دیگر شہروں میں بھی دہشتگردی کے خدشات
وفاقی وزیر داخلہ شیخ رشید نے کہا کہ لاہور کی طرح کراچی ، اسلام آباد اور پشاور میں بھی دہشتگردی کے خدشات ہیں ، انارکلی دھماکے سے انسانی جانوں کے ضیاع پر انتہائی دکھ ہوا ، پنجاب حکومت سے انارکلی دھماکے کی رپورٹ طلب کر لی ہے۔
انہوں نے کہا کہ دھماکے سے انسانی جانوں کے ضیاع پر انتہائی دکھ ہوا ، زخمی ہونے والے افراد کی جلد صحتیابی کے لئے دعاگو ہوں ، دھماکے کی تفصیلات صوبائی حکومت سے طلب کی ہیں۔
وفاقی وزیر داخلہ نے کہا کہ لاہور کی طرح کراچی ، اسلام آباد اور پشاور میں بھی دہشتگردی کے خدشات ہیں ، دہشتگرد ناکام ہونگے ، تمام اداروں کو الرٹ کیا گیا ہے۔
سیف سٹی کا کیمرہ خراب نکلا
لاہور دھماکے سے متعلق تفتیش میں انکشاف ہوا ہے کہ بلاسٹ کی جگہ لگا سیف سٹی کا کیمرہ خراب تھا۔
ذرائع کے مطابق لاہور کے علاقے نیوانارکلی پان منڈی میں ہونے والے دھماکے کی تفتیش میں انکشاف ہوا ہے کہ وہاں موجود سیف سٹی کا کیمرہ خراب تھا۔ کیمرہ نمبر 2035 پان منڈی چوک میں نصب ہے، سیف سٹی اتھارٹی کے علاقے میں موجود دیگر کیمروں کی فوٹیج سے تفتیش میں مدد لی جا رہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News