صحت مند زندگی کے لئے صحت بخش غذا کا انتخاب نہایت ضروری ہے ورنہ جسم کئی وٹامنزاور منرلز کی کمی کی وجہ سے مختلف بیماریوں کا شکار ہوسکتا ہے۔

دیکھا گیا کہ آج کل لوگوں کی بڑی تعداد مرغی کا گوشت استعمال کرتی ہے اور گھروں میں ہر طرح کے نمکین پکوانوں میں یہی گوشت استعمال کیا جاتاہے اور یہی نہیں بلکہ شام کی چائے کے ساتھ پیش کئے جانے والے لوازمات بھی اسی سے تیار کئے جاتے ہیں۔

اسے پسند کی جانے کی بڑی وجہ اس کا کم قیمت، ہر جگہ آسانی دستیاب اور کم وقت میں تیارہونا شامل ہے۔

مرغی کا گوشت بچوں بڑوں دونوں ہی کی من پسند غذا بن چکی ہے واضح رہے کہ یہاں پر فارم کی چکن جسے برائلر چکن کہا جاتا ہے اس کی بات کی جارہی ہے نہ کہ دیسی مرغی کی۔

یہ بات تو سب ہی جانتے ہیں ان مرغیوں کو کم وقت میں بڑا کرنے کے لئے مختلف انجیکشن لگائے جاتے ہیں جبکہ انہیں جو دانہ کھلایا جاتا ہے وہ بھی گندی اشیا سے ملاکر بنایا جاتا ہے۔ یہی کیمیکل مرغی سے انسانوں میں منتقل ہوجاتے ہیں۔

یہی وجہ ہے کہ اس کا کثرت سے استعمال جسم میں بہت سی بیماریاں پیدا کرتا ہے، اس کے علاوہ ایک طویل عرصے سے اس کے فائدے مند یا نقصان دہ ہونے پر بحث کی جارہی ہے اور اس حوالے سے کچھ غلط فہمیاں بھی پائی جاتی ہیں۔

اسی بات کو مد نظر رکھتے ہوئے یہاں پر ایک ماہر ڈاکٹر کی ویڈیو پیش کی جارہی ہے جو آپ کو مرغی کے گوشت بارے میں بہت ہی مفید معلومات فراہم کرے گی۔